नेपालमा हाल स्थानीय र पश्चिमी वायुको आंशिक प्रभावका साथै भारतको पश्चिम उत्तर प्रदेशदेखि पश्चिम बंगलादेशसम्म फैलिएको न्यून चापीय क्षेत्रको पनि आंशिक प्रभाव रहेको मौसम पूर्वानुमान महाशाखाले जानकारी दिएको छ ।
अहिले कोशी प्रदेशलगायत पहाडी भू-भागमा बदली भइरहेको छ । कोशी र गण्डकी प्रदेशका केही स्थानमा मेघ गर्जन र चट्याङसहित हल्का वर्षा भइरहेको छ ।
आज पहाडी भू-भागमा बदली हुनेछ । कोशी, मधेश, बागमती, गण्डकी र कर्णालीलगायत केही स्थानमा मेघ गर्जन र चट्याङसहित हल्का देखि मध्यम वर्षा हुन सक्नेछ । लुम्बिनी प्रदेशका केही स्थानमा हावाहुरी समेत आउने सम्भावना छ ।
त्यस्तै मंगलबार पहाडी भू-भागमा बदली हुनेछ । कोशी, मधेश, बागमती र गण्डकी प्रदेशका केही स्थान तथा बाँकी भू-भागका एक-दुई स्थानमा मेघ गर्जन र चट्याङसहित वर्षा हुनेछ । सुदूरपश्चिम, गण्डकी तथा लुम्बिनी प्रदेशका केही स्थानमा हावाहुरीको पनि सम्भावना छ ।
बुधबार पहाडी भू-भागमा बदली हुनेछ । कोशी र बागमती प्रदेशका केही स्थान तथा बाँकी भू-भागका एक-दुई स्थानमा मेघ गर्जन र चट्याङसहित हल्का देखि मध्यम वर्षा हुन सक्नेछ । कोशी र मधेश प्रदेशका एक-दुई स्थानमा हावा हुरीको सम्भावना छ ।
आगामी २४ घण्टामा देशका पहाडी भू-भागका केही स्थानमा मेघ गर्जन र चट्याङसहित वर्षा हुन सक्नेछ । साथै उच्च पहाडी तथा हिमाली भू-भागका केही स्थानमा हल्का हिमपात पनि हुन सक्ने भएकाले सतर्कता अपनाउन महाशाखाले अनुरोध गरेको छ ।
