पाटाको उपाध्यक्षमा सुमन पाण्डे निर्वाचित

 प्यासिफिक एशिया ट्राभल एशोसिएसन (पाटा) अन्तर्राष्ट्रिय मुख्यालयको उपाध्यक्ष पदमा एक्प्लोर हिमालय ट्राभल एण्ड एडभेन्चरका अध्यक्ष सुमन विक्रम पाण्डे निर्वाचित भएका छन्। गत मार्च महिना सम्पन्न निर्वाचन प्रक्रियामा पाण्डेका प्रतिस्पर्धी अमेरिकन गुवामका जेराल्ड पेरेज़ले आफ्नो मनोनयन फिर्ता लिएपछि उपाध्यक्षमा पाण्डे निर्विरोध निर्वाचित भएका हुन्।

सन् १९७५ देखि सदस्य रहँदै आयको नेपाल पाटाको यो तहको जिम्मेवारीमा पहिलो पटक प्रतिनिधित्व गरेको हो ।  यस अघि पाण्डे सं २०२० देखि २०२४ सम्म दुई कार्यकाल सचिव तथा कोषाध्यक्ष को भुमिकामा रहेर काम गरेका थिए ।

सन् १९५१ मा अमेरिकाको क्यालिफोर्नियामा स्थापित भै सं १९९८ देखि बैङ्कक मा मुख्यालय रहेको पाटाले एशिया तथा प्रशान्त क्षेत्रका लागि आपसी पर्यटकीय आदान प्रदान वा व्यापार विस्तारको क्षेत्रमा आफ्ना सदस्य राष्ट्रहरुका साथ सहयोग तथा सहकार्यमा संलग्न रही आएको छ। सन् १९७५ देखि सदस्य रही आएको नेपालको पर्यटकीय सम्भावनाहरुलाई अन्तराष्ट्रिय बजारीकरण तथा स्तर वृद्धिमा पाटाले सक्रिय सहयोग गर्दै आएको छ।  सन १९७६ मा पोखराको पर्यटकीय गुरुयोजना, २०१५ को महा भुकम्प पश्चातको संकट निवारण तथा पर्यटन पुनरुत्थान कार्यक्रमका साथै ६ पटक भन्दा बढी शाहसिक पर्यटन मेला, सन् २०१७ मा प्रथम हिमालयन ट्राभल मार्टको आयोजनामा सक्रिय सहयोग गर्नुका साथै गत वर्ष बार्षिक साधारण सभा तथा शाहसिक पर्यटन बजारको आयोजना गरेर पोखराको शुस्त पर्यटन बजारको पुनरुत्थानमा सहयोग पुर्याएको थियो।

आफ्नो ३५ वर्ष लामो व्यवसायिक जीवनमा नेपालको ट्रेकिङ, ट्राभल, हेलिकप्टर, वायुसेवा, होटल, रेस्टुरेन्ट लगायत व्यापक विधामा संलग्न सुमन विक्रम पाण्डे ट्रेकिङ एजेन्ट्स एशोसिएसन अफ नेपाल (टानं) का अध्यक्ष, नेपाल पर्यटन बोर्डका सदस्य, एरलाइन् अपरेटर एशोसिएसन अफ नेपालका महासचिव, नेपाल पर्यटन वर्ष २०११ का कार्यकारी सदस्य, पाटा नेपाल च्याप्टरका अध्यक्ष रहनुका साथै विभिन्न पर्यटकीय कार्यक्रम तथा गतिविधिहरूको सञ्चालनमा सक्रिय भूमिका खेल्दै आएका छन् । सन् २००९ डिसेम्बर ४ मा कालापत्थरमा भएको नेपाल सरकार मन्त्री परिषद बैठकको मुख्य संयोजन कर्ता पाण्डेको अगुवाइमा सन् २००८ मा नेपालमा स्काई डाइभिङ्को शुरुवात, नेपालका उच्च हिमाली क्षेत्रमा हेलिकप्टर उडान तथा रेस्क्यु प्रविधिको शुरुवात र उनकै नेतृत्वमा सन् २०१७ मा प्रथम हिमालयन ट्राभल मार्ट जस्तो अन्तराष्ट्रिय पर्यटन मेलाको शुरुवात भएको थियो।

सन् २०२६ सम्म कार्यकाल रहने नौ सदस्यीय कार्य समितिका लागि भएको चुनावमा निम्न बमोजिम प्रतिस्पर्धीहरु निर्वाचित भएका थिए।

अध्यक्ष: पिटर सिमोन – डेसटीनेशन ह्युमन क्यापिटल, टीमोर लिस्टे, इण्डोनेशिया
उपाध्यक्ष: सुमन पाण्डे – एक्प्लोर हिमालय ट्राभल एण्ड एड्भेन्चर, नेपाल
सचिव/कोषाध्यक्ष: एशियन ट्रैलस- थाइल्यान्ड
सदस्य: बेन मोनटगोमरी, सेन्टारा होटेल्स एण्ड रिसोर्ट, थाइल्यान्ड
सदस्य: सञ्जित जैन- डी पी पी प्रकाशन, भारत
सदस्य: मयूर पटेल – ओ ए जी एभिएसन, सिंगापुर

पाटाको सरकारी सदस्य  प्रतिनिधीका रूपमा नोरेडा ओथम्यान, साबहा पर्यटन बोर्ड मलेशिया र जेराल्ड पेरेज – गुवाम पर्यटन बोर्ड गत वर्ष निर्वाचित भएका हुन्।

सिफारिस

रामेछाप गेस्ट हाउसबाट ६ बालिकाको उद्धार, सञ्चालकसहित २ जना पक्राउ

काठमाडौँको कोटेश्वरस्थित एक गेस्ट हाउसबाट ६ जना बालिकाको उद्धार गरिएको छ । बालिकालाई असामाजिक काममा लगाउने गरेको भन्ने सूचनाका आधारमा नेपाल प्रहरीको मानव बेचबिखन...

एक वर्षमा दुई लाख ३१ हजारले गरे पाथीभरा देवीको दर्शन

एक वर्षको अवधिमा दुई लाख ३१ हजार तीन सय ३४ भक्तजनले पाथीभरा देवीको दर्शन गरेका छन्। पाथीभरा क्षेत्र विकास समितिका कार्यकारी निर्देशक प्रजिन हाङवाङका...

बरालले पाए धितोपत्र बोर्ड अध्यक्षको जिम्मेवारी

काठमाडौं – नेपाल धितोपत्र बोर्ड अध्यक्षको जिम्मेवारी महेश बरालले पाएका छन् । बिहीबार अर्थमन्त्री बिष्णुप्रसाद पौडेलले बराललाई नियुक्ति पत्र हस्तान्तरण गर्दै पद तथा गोपनीयताको शपथ...

LEAVE A REPLY

Please enter your comment!
Please enter your name here

भर्खरै

एक वर्षमा दुई लाख ३१ हजारले गरे पाथीभरा देवीको दर्शन

एक वर्षको अवधिमा दुई लाख ३१ हजार तीन सय...

बरालले पाए धितोपत्र बोर्ड अध्यक्षको जिम्मेवारी

काठमाडौं – नेपाल धितोपत्र बोर्ड अध्यक्षको जिम्मेवारी महेश बरालले...

श्रीलंकाविरुद्ध खेल्ने भारतीय क्रिकेट टिमको घोषणा, फेरिए कप्तान

काठमाडौं– भारतीय क्रिकेट बोर्डले श्रीलंकाविरुद्ध हुने टी-२० र एकदिवसीय...

आज कहाँ कहाँ हुन्छ भारी वर्षा ?

काठमाडौं– जल तथा मौसम विज्ञान विभाग मौसम पूर्वानुमान महाशाखाले...

आज बागमतीसहित पाँच प्रदेशमा ठूलो वर्षा हुने

काठमाडौँ– जल तथा मौसम विज्ञान विभाग मौसम पूर्वानुमान महाशाखाले...

उत्कृष्टलाई नगदसहित यमन तिज म्यूजिक अवार्ड २०८१ को आयोजना हुने

काठमाडौ - उत्कृष्टलाई नगदहित यमन तिज म्यूजिक अवार्ड २०८१...

धेरै पढिएको