मन्त्रीहरू हेरफेर गर्दै प्रचण्ड, को को हुँदैछन् बिदा ?

प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्ष २०८१/०८२ को बजेट पारित भएलगत्तै मन्त्रिपरिषद्मा व्यापक हेरफेरको तयारी गरेका छन् ।

उनले केही महिनायता मन्त्री हेरफेरको प्रयास गरे पनि अब बजेट पारित भएलगत्तै मूर्त रूप दिन लागेका छन् । मन्त्री हेरफेरबारे प्रधानमन्त्री प्रचण्डले नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टी (रास्वपा) सभापति तथा उपप्रधानमन्त्री रवि लामिछानेसँग पनि छलफल गरिरहेका छन् ।

उच्च स्रोतका अनुसार नेकपा माओवादी केन्द्रबाट उपप्रधान तथा परराष्ट्रमन्त्री नारायणकाजी श्रेष्ठ, ऊर्जा, जलस्रोत तथा सिँचाइमन्त्री शक्ति बस्नेत र सञ्चार तथा सूचना प्रविधिमन्त्री रेखा शर्मालाई मन्त्रीबाट बिदा गर्ने तयारी छ । यी तीनै मन्त्रीले सरकारमा १ वर्ष पूरा गरिसकेका छन् । माओवादीले नेपाली कांग्रेससँग गठबन्धन सरकार बनाउँदा पनि यी तीनै जना मन्त्री रहेका थिए ।

संस्कृति, पर्यटन तथा नागरिक उड्डयनमन्त्री हितबहादुर तामाङको मन्त्रालय सार्ने वा बिदा दिनेबारे माओवादीभित्र छलफल जारी छ ।

माओवादीले सिन्धुपाल्चोकका माधव सापकोटालाई सञ्चार तथा सूचना प्रविधिमन्त्री बनाउने तयारी गरेको छ । सिन्धुलीका राजन दाहाल र कालिकोटका महेन्द्रबहादुर शाही पनि मन्त्री बन्ने स्रोतले जनाएको छ ।

मन्त्रिपरिषद् हेरफेरका क्रममा नेकपा एमाले र माओवादी केन्द्रको भागमा परेका १/१ मन्त्रालय खाली गराएर नागरिक उन्मुक्ति पार्टीकी रञ्जिता श्रेष्ठ र जनमत पार्टीका सीके रावतलाई मन्त्री बनाउने तयारी प्रधानमन्त्री प्रचण्डले गरेका छन् ।

एमालेबाट कुन मन्त्री हटाउने र कुन मन्त्रालय खाली गर्ने भनेर यकिन नभएको स्रोतले जनाएको छ । मन्त्रीहरूको कामकारवाही सन्तोषजनक नभएको भन्दै प्रधानमन्त्री प्रचण्डले मन्त्रिपरिषद्मा हेरफेरको संकेत गर्दै आएका छन् ।

सिफारिस

काठमाडौँ महानगरले गर्यो कलंकीको बर्गर हाउसलाई २ लाख जरिवाना

काठमाडौं– काठमाडौँ महानगरपालिकाले कलंकीमा रहेको बर्गर हाउस एण्ड क्रन्ची फ्राइड चिकेनलाई २ लाख रुपैयाँ जरिवाना गरेको छ । अनलाइन मःम अर्डर गर्ने ग्राहकलाई गन्ध भएको...

१८ महिनामा ढल्यो प्रचण्ड सरकार, पाएनन् विश्वासको मत

पाँचौ पटकमा प्रधानमन्त्री पुष्पकमल दाहाल प्रचण्डले संसद्‌बाट विश्वास गुमाएका छन्। शुक्रबार (असार २८) मा प्रचण्डले विश्वास गुमाएसँगै गठन भएको १८ महिनापछि उनी नेतृत्वको सरकार...

बेपत्ता यात्रुको खोजी तथा उद्धार गर्न प्रधानमन्त्रीको निर्देशन

काठमाडौं– नारायणगढ-मुग्लिन सडकखण्डको सिमतालमा पहिरोले दुई वटा यात्रु बस बगाएको घटनाप्रति प्रधानमन्त्री पुष्पकमल दाहाल प्रचण्डले दुख व्यक्त गरेका छन् । साथै उनले बेपत्ता यात्रुहरूको खोजी...

LEAVE A REPLY

Please enter your comment!
Please enter your name here

भर्खरै

१८ महिनामा ढल्यो प्रचण्ड सरकार, पाएनन् विश्वासको मत

पाँचौ पटकमा प्रधानमन्त्री पुष्पकमल दाहाल प्रचण्डले संसद्‌बाट विश्वास गुमाएका...

बेपत्ता यात्रुको खोजी तथा उद्धार गर्न प्रधानमन्त्रीको निर्देशन

काठमाडौं– नारायणगढ-मुग्लिन सडकखण्डको सिमतालमा पहिरोले दुई वटा यात्रु बस...

कास्कीमा पहिरोले घर पुरिँदा ११ जनाको ज्यान गयो

कास्की– निरन्तरको वर्षापछि आएको पहिरोमा पुरिएर कास्कीमा ११ जनाको...

पहिरोसँगै त्रिशूलीमा खसेका २ वटा बसमा कति थिए यात्रु ? तीन पौडिएर निस्किए

चितवन– नारायणगढ-मुग्लिन सडकमा शुक्रबार बिहान पहिरोले बगाएर त्रिशूलीमा खसेका...

जाँदाजाँदै प्रचण्ड सरकारको मन्त्रिपरिषद् बैठकले के के गर्यो निर्णय ?

काठमाडौं – सरकारले बेपत्ता पारिएका व्यक्तिको छानविन आयोग र...

नेपाली सेनाका ३८ सय ८७ जना सैन्यहरू दीक्षित

काठमाडौं - विक्रम सम्वत् २०८० साल भाद्र ३ गतेदेखि...

धेरै पढिएको