आज कृष्ण जन्माष्टमी । देशभर भगवान् श्रीकृष्णको पूजा-आराधना गरी मनाइँदै छ । ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्ण जन्माष्टमी’ र रातलाई ‘मोहरात्रि’ भनिन्छ ।
यस दिन देशभरिका कृष्ण मन्दिरमा भगवान् श्रीकृष्णको पूजा–आराधना, प्रवचन, भजनकीर्तन गर्नुका साथै विशेष गरी महिला, पुरुष व्रत बसी रातभर जाग्राम बस्ने प्रचलन छ । कृष्ण जन्माष्टमीका अवसरमा अभिभावकहरूले आफ्ना बालबालिकालाई श्रीकृष्णजस्तै देखिने गरी शृङ्गार गर्ने गर्दछन् ।
यस्तै रामेछापको मन्थलीमा पनि कृष्ण जन्माष्टमी पर्व मनाइएको छन्। मन्थली बसपार्कबाट कृष्णको रथसहित राधाकृष्णको भेषमा बालबालिकाहरूलाई बजार परिक्रमा गराइएको थियो।
तस्वीर: प्रमोद श्रेष्ठ
