काठमाडौं उपत्यकाको दक्षिण-पश्चिम भागमा पर्ने एक सुन्दर पहाड हो बोसान डाँडा, जुन चोभार र टौदह नजिकै अवस्थित छ।
यहाँबाट लाङटाङ, गणेश, गौरिशंकर लगायतका हिमालहरू, काठमाडौं उपत्यकाको दृश्य, र टौदह ताल अवलोकन गर्न सकिन्छ।
केही दिनदेखिको हल्का वर्षापछि काठमाडौं उपत्यकाको आकाश केहि खुलेको छ, जसले हिमालका सुन्दर दृश्यहरू देखिएका छन् ।
वर्षाको कारण केही दिनसम्म धुलो र धुवाँ हटेकाले बिहानको समयमा आकाश खुलेर निलो देखिएको छ। सफा वातावरणका कारण राजधानी लगायत उपत्यकाका विभिन्न स्थानहरूबाट हिमालको दृश्य अवलोकन गर्न सकिएको छ।
शुक्रबार र शनिबार परेको हल्का वर्षाले प्रदूषणमा केही सुधार भए पनि उपत्यकाको वायु प्रदूषण भने पूर्ण रूपमा घटेको छैन।
