धुलिखेल – काभ्रेपलाञ्चोकको धुलिखेल क्षेत्रमा वर्षा रोकिएपछि बाक्लो बादल र कुहिरोको घुम्टोले हरियाली पहाडलाई ढाक्दै मनमोहक दृश्य देख्न सकिन्छ। आइतबार बिहान देखिएको उक्त दृश्यले मनसुनको प्राकृतिक सौन्दर्य झल्काए पनि सामान्यतया स्पष्ट देखिने हिमाल तथा आसपासका भू–दृश्य भने बादलका कारण ओझेलमा परेका थिए ।
धुलिखेलबाट सामान्य अवस्थामा हिमशृङ्खला, हरियाली पहाड र आसपासका बस्तीहरू स्पष्ट रूपमा अवलोकन गर्न सकिने भए पनि आइतबार बिहान बाक्लो बादल र कुहिरोका कारण ती दृश्य प्रायः देख्न सकिएन। बादलले पहाडका डाँडाकाँडा छोप्दा हरियाली भू–भागको केही अंश मात्र देखिएको थियो भने टाढाका दृश्यहरू कुहिरोभित्र हराएका देखिन्थे।
मनसुनका क्रममा वर्षापछि यस्ता दृश्य धुलिखेल क्षेत्रमा बेलाबेलामा देखिने गर्छन्। बादल र कुहिरोले प्राकृतिक वातावरणलाई थप आकर्षक बनाएको भए पनि दृश्यावलोकनका लागि पुग्नेहरूले भने हिमाल र विस्तृत पहाडी भू–दृश्य अवलोकन गर्ने अवसर भने यो समयमा त्यति पाउन सक्दैनन्।
