काठमाडौँ – Nepal International Health Services (NIHS) को आफ्नो तेस्रो वार्षिक साधारण सभा भव्यताका साथ मनाएको छ । आइतबार काठमाडौँमा एक कार्यक्रमको आयोजना गर्दै तेस्रो वार्षिकोत्सव मनाएको हो।
कार्यक्रमको पहिलो चरणमा संस्थाको उपलब्धिहरु, चुनौतिहरु र आगामी योजनाको बारेमा छलफल गरिएको थियो । कार्यक्रमका सभापति संस्थापक अध्यक्ष डा. रुप नारायण शाहले संस्थाको वार्षिक प्रतिवेदन र संस्थागत सामाग्रीहरु प्रस्तुत गर्नु भएको थियो । कार्यक्रमका प्रमुख अतिथि नेपाल बैंक लिमिटेडका अध्यक्ष डा. चन्द्र बहादुर अधिकारीले NIHS अन्तर्राष्ट्रियस्तरको स्वास्थ्य सेवा दिने केन्द्र बन्न सक्ने भन्दै शुभकामना व्यक्त गर्नुभएको थियो । कार्यक्रममा विशिष्ट अतिथिहरुबाट विशेष बधाई तथा शुभकामना व्यक्त गरिएको थियो ।
कार्यक्रममा संस्थाका सदस्यहरुमा शेयर प्रमाणपत्र र मायाको चिनो वितरण गरिएको थियो भने NIHS उत्कृष्ट काम गर्ने एक जना कर्मचारीलाई प्रशंसा पत्रका साथ नगद दश हजार उपहार स्वरुप प्रदान गरिएको थियो । कार्यक्रममा उपस्थित सबैका लागि NIHS को तर्फबाट तेह्र हजार सात सय सत्तरीसम्मको उपचार निशुल्क हुने गिफ्टभौचर समेत वितरण गरिएको थियो । पहिलो चरणलाई टुंगाएर बोर्ड मेम्बरहरुको मिटिगं गरी कार्यक्रमलाई समापन गरिएको थियो ।
NIHS का संस्थापक अध्यक्ष डा. रुप नारायण शाह सभापतित्वमा आयोजना गरिएको कार्यक्रममा नेपाल बैंक लिमिटेडका अध्यक्ष डा. चन्द्र बहादुर अधिकारी प्रमुख अतिथिको रुपमा उपस्थित हुनुहुन्थ्यो । कार्यक्रममा NIHS का बोर्ड मेम्बरका तथा कर्मचारीहरुको सहभागिता रहेको थियो।
स्वस्थ्य क्षेत्रमा नविनतम र गुणस्तरिय स्वास्थ्य सेवा दिने उद्देश्यले स्थापना गरिएको NIHS काठमाण्डौँको जमलमा अवस्थित छ ।