काठमाडौं – नवनियुक्त प्रधानमन्त्री केपी शर्मा ओलीले पुरानै मन्त्रिपरिषदका सदस्यलाई निरन्तरता दिएका छन् । शुक्रबार प्रधानमन्त्री ओलीसहित उनको मन्त्रिमण्डलका सदस्यले पनि पद तथा गोपनीयताको सपथ लिएका छन्।
तीन राज्यमन्त्रीसहित २५ सदस्यीय मन्त्रिपरिषद्मा सबैले साविककै मन्त्रालयको जिम्मेवारी पाएका छन् । आज सपथ ग्रहण समारोहमा उद्योग वाणिज्य तथा आपुर्ति राज्यमन्त्री बिमला विक भने सहभागी हुन सकिनन् । विकका सहयोगी राजकुमार महतराका अनुसार उनी कोरोना संक्रमति भएका सपथ ग्रहण समारोहमा उपस्थित हुन नसकेकी हुन् ।
केही दिनअघि कोरोना संक्रमित भएर राज्यमन्त्री विक मन्त्री क्वार्टरभित्र आइसोलेसनमा बसिरहेकी महतराले जानकारी दिए ।
