काठमाडौँ – गर्मी मौसममा बढ्दो तापक्रमले सबैजनालाई थकित महशुस गराउनु साथै पसिना आउने हुन्छ । त्यसैले हाईड्रेटेड रहन निकै महत्वपूर्ण हुन्छ । अत्याधिक पसिनाको कारण तपाईको शरीरले छिटो पानी गुमाउँछ । तिर्खा मेट्न पानी सबैभन्दा महत्वपूर्ण पेय भएता पनि अन्य पेय पदार्थहरू प्रयोग गर्न सक्नुहुनेछ जसले तपाईंको तिर्खा मेट्ने मात्र नभएर तपाईंको शरीरलाई शान्त पनि राख्दछ । जानौँ गर्मी मौसममा कस्ता पेय पदार्थहरु पिउन सकिन्छ ।
१) जल जीरा
जलजीरालाई जीरा र पानीको प्रयोग तयार गरिन्छ । जीरालाई भुटेर मोटो पाउडर बनाएर पानीमा मिसाइन्छ । स्वादको लागी यसमा विरे नुन, कागती र थोरै मात्रामा मरिच मिसाउन सकिन्छ । यो मिश्रण पाचन समस्यासँग हुने व्यक्तिहरूको लागि उत्तम पेय हो, विशेष गरेर गर्मीको समयमा । केहि टुक्रा आइस राखेर जलजीरा पिउनाले गर्मीमा शितलता प्रदान गर्नुको साथै तौल नियन्त्रणमा पनि मद्दत गर्छ ।
२) सातुको सर्वत
जौ, मकै, भटमास, चना जस्ता अन्नलाई भुटेर पिसेर सातु बनाइन्छ । यो एक पौष्टिक आहार पनि हो । सातुलाई पानीमा घोलेर पिउनाले शरीरलाई शीलत राख्न मद्दत गर्छ । यो आडिलो पनि हुने गर्छ जसले भोक र प्यास दुबैलाई मेटाउन मद्दत गर्छ । सातुलाई चिसो पानीमा घोलेर केहि टुक्रा आइस र स्वाद अनुसार चिनी र चिया मसला राखेर पिउन सकिन्छ ।
३) नरिवल पानी
नरिवलको पानीले गर्मी मौसममा शितल हुन मद्दत गर्छ । काँचो नरिवलको पानी र क्रिमलाई केहि टुक्रा आइस राखेर मिक्सरमा पिसेर पिउन सकिन्छ । यसले शरीरमा पानीको मात्रा बढाउन मद्दत गर्नुको साथै यो स्वादिलो पनि हुन्छ ।
४) उखुको जुस
स्वास्थ्यवद्र्धक र स्वादिलो फलफूलको जुसको रुपमा उखुको जुसलाई लिइन्छ । उखुको जुसले शरीर हाइड्रेट गर्ने मात्र नभएर स्पूmर्ति बढाउन, रोग प्रतिरोधात्मक क्षमता बढाउन साथै पाचन प्रणालीमा सुधार ल्याउन मद्दत गर्छ । थप स्वादको लागी पुदिना र विरे नुन राखेर उखुको जुस पिउन सकिन्छ ।
५) लस्सी
दहिमा फलफूल साथै चिया मसला, चिनी, ड्राई फ्रुट थपेर मिक्सरमा पिसेर लस्सी बनाउन सकिन्छ । लस्सी निकै स्वादिलो, आडिलो र सर्वाधिक रुचाइने पेय पदार्थ हो । यो स्वास्थ्यवद्र्धक पनि हुन्छ ।
६) कागती पानी
पानीमा कागती र विरे नुन वा चिनी मिसाएर कागती पानी बनाउन सकिन्छ । केहि टुक्रा आइस र केहि पत्ता पुदिनाले यसमा ताजगी थप्ने काम गर्छ ।
