काठमाडौं – काठमाडौंको ढुंगेधारामा रहेको विभूती सेकेन्टरी स्कुलमा ‘स्कुल लेबल अबाकस प्रतियोगिता’ सम्पन्न भएको छ । बालविकास एनसीमास संस्थासंगको सहकार्यमा बिहीबार प्रतियोगिता सम्पन्न गरिएको हो । प्रतियोगीतामा सहभागी भएका बालबालिकाहरुको उल्लेख्य सहभागीता रहेको थियो ।
त्यसक्रममा बालबालिकाहरुले अबाकसमार्फत गणितीय समस्याको हल गरेका थिए । केही गणितीय समस्याको समााधानलगत्तै उनीहरुलाई प्रतियोगितामा सामेल गराईएको थियो ।
अबाकसले आफूहरुको सिकाईमा निक्कै ठूलो सहयोग गरिरहेको बालबालिकाहरुले प्रतिक्रिया दिएका छन् । आफूहरुलाई गणितीय समस्याको हल गर्न अबाकसले सजिलो बनाएको उनीहरुले बताए ।
अवाकस प्रतियोगिता सकिएलगत्तै प्रतिक्रिया दिँदै अभिभावकहरुले पनि आफ्ना बालबालिकाको स्मरणशक्ति बढेको प्रतिक्रिया दिएका छन् । विद्यालयले यस्ता अरु थुप्रै कार्यक्रमहरु ल्याउनुपर्ने भन्दै उनले आफ्ना बालबालिकाका लागि अबाकस निक्कै उपयोगी भएको बताएका छन् ।
विद्यालयका प्रिन्सिपल राजेश्व श्रेष्ठले विद्यालयमा अबाकस राखिसकेको बाबुनानिहरुमा सिक्ने फरक खालको उत्साह जागेको बताए । अबाकसले मेडिटेशनल पावर डेभलप गर्ने काम गरेको भन्दै उनले यसबाट अभिभावकहरु पनि निककै खुशी भएको बताए । बालबिकास एनसीमास संस्थाका तेजु नेपालले विभुती सेकेन्डरी स्कुलमा बालबालिका र अभिभावकको सहभागीता देखेले आफूहरु निक्कै उत्साहित भएका बताएका छन् । अरु थुप्रै विद्यालयमा अबाकस लिएर जाने आफूहरुको सोच रहेको भन्दै उनले विभूतीबाट छानिएका ३ जनालाई राष्ट्रियस्तरको प्रतियोगितामा सहभागी गराईने बताए । अबाकस अन्तर्राष्ट्रियस्तरको सिकाई प्रणाली भएकोले यसमा नेपाल सरकारले पनि गम्भीरताका साथ लिनुपर्ने उनले बताए ।
फागुनमा राष्ट्रियस्तरको प्रतियोगिता हुने र त्यसका लागि अहिले छानिएका विद्यार्थीहरु सहभागी हुन पाउनेछन् । शैक्षिक क्षेत्रमा नयाँ प्रयोग गरिएको अवाकसले बालबालिकाको मष्तिस्क विकास, गणितीय समस्या समाधान गर्न सहज, ध्यानलाई केन्द्रीकृत गराउने गर्दछ ।
विश्वका १ सय ५० भन्दा बढी देशमा यसको प्रयोग भइरहेको छ। बालबालिकाको शैक्षिक प्रणालीमा सुधार ल्याउन २ हजार बर्ष पुरानो फादर अफ कम्प्युटर अवाकसलाई विद्यालयले बैकल्पिक विषयका रुपमा पठनपाठन गराउँदै आएको छ ।
अवाकस प्रणालीले विद्यार्थीहरुको मष्तिस्कलाई सक्रिय बनाई पढाइमा एकाग्र बनाउने, गणितिय हिसाबका लागि क्यालकुलेटरको समेत आवश्यकता नपर्ने भएकाले यसको प्रभाव पनि बढ्दो छ ।
