क्यानाडामा नोभेम्बर १ मा प्रोफेसनल अचिभमेन्ट अवार्ड हुने

टोरन्टो (क्यानाडा) : सिजन मिडिया प्रालिको आयोजनामा क्यानाडाको टोरन्टोमा आगामी नोभेम्बर १ मा ‘प्रोफेसनल अचिभमेन्ट अवार्ड क्यानाडा २०२६’ आयोजना हुने भएको छ ।
क्यानाडा तथा अन्य देशमा रहेर विभिन्न व्यावसायिक क्षेत्रमा उल्लेखनीय योगदान पु¥याएका नेपाली, क्यानाडेली तथा एसियाली मूलका व्यक्तित्वलाई सम्मान गर्ने उद्देश्यले उक्त कार्यक्रम आयोजना गर्न लागिएको आयोजकले जनाएको छ ।

अवार्डमार्फत व्यवसाय तथा उद्यमशीलता, चिकित्सा तथा स्वास्थ्य, रियल इस्टेट, सौन्दर्य तथा फेसन, कला तथा मनोरञ्जन, पत्रकारिता, रेस्टुरेन्ट तथा हस्पिटालिटी, शिक्षा, सूचना प्रविधि, सामाजिक सेवा तथा सामुदायिक नेतृत्वलगायतका क्षेत्रमा योगदान पु¥याएका व्यक्ति तथा संस्थालाई सम्मान गरिनेछ ।

सिजन मिडिया प्रालिकी कार्यक्रम निर्देशक रेजिना तुलाधरका अनुसार अवार्डका लागि व्यक्ति तथा संस्थाको छनोट सम्बन्धित क्षेत्रका विज्ञ, सञ्चारकर्मी तथा नेपाल, क्यानाडा, अमेरिका र अन्य देशका विशिष्ट व्यक्तित्वको सुझाव, सल्लाह र परामर्शका आधारमा गरिनेछ । सम्बन्धित क्षेत्रमा पु¥याएको योगदान, व्यावसायिक उपलब्धि तथा सामाजिक भूमिकालाई मूल्याङ्कन गरी सम्मान प्रदान गरिने उहाँले बताउनुभयो ।

यसअघि अक्टोबर २५ मा आयोजना गर्ने तय भएको कार्यक्रम नेपालीहरूको महान् चाड दसैँका कारण सारेर नोभेम्बर १ का लागि पुनःनिर्धारण गरिएको आयोजकले जनाएको छ । कार्यक्रम क्यानाडाको ओन्टारियोस्थित जर्जटाउनको तन्दुरी टिक्का लाउन्जमा स्थानीय समयअनुसार मध्याह्न १२ बजेदेखि सञ्चालन हुनेछ ।

कार्यक्रममा सहभागी हुन आयोजक संस्थाका दुई प्रतिनिधि नेपालबाट क्यानाडा आइसकेका छन् । कार्यक्रमले प्रवासमा रहेका नेपाली तथा एसियाली समुदायका सफल व्यक्तित्वको योगदानलाई सम्मान गर्नुका साथै उनीहरूबीच व्यावसायिक सम्बन्ध, सहकार्य र अनुभव आदानप्रदानका अवसर विस्तार गर्ने अपेक्षा गरिएको छ ।

सिजन मिडिया प्रालिले विगत १८ वर्षदेखि नेपाललगायत विभिन्न मुलुकमा सांस्कृतिक कार्यक्रम, व्यक्तित्व विकास, इभेन्ट म्यानेजमेन्ट तथा राष्ट्रिय र अन्तर्राष्ट्रियस्तरका कार्यक्रम आयोजना गर्दै आएको जनाएको छ । संस्थाले यसअघि मलेसिया, दुबई र अस्ट्रेलियालगायतका देशमा अवार्ड तथा सम्मान कार्यक्रम आयोजना गरिसकेको छ ।

आयोजकका अनुसार ‘प्रोफेसनल अचिभमेन्ट अवार्ड क्यानाडा २०२६’ ले नेपाली तथा अन्य एसियाली मुलुकका व्यक्तित्वको व्यावसायिक पहिचानलाई अन्तर्राष्ट्रियस्तरमा प्रवद्र्धन गर्नुका साथै नेपाल, क्यानाडा र अन्य एसियाली मुलुकबीच सांस्कृतिक तथा व्यावसायिक सम्बन्ध विस्तारमा सहयोग पु¥याउने लक्ष्य राखेको छ ।

सिफारिस

उदाउँदो सूर्यलाई अर्घ दिएसँगै छठ पर्व सम्पन्न (तस्बिरहरू)

ललितपुर - उदाउँदो सूर्यलाई अर्घ अर्पण गरेसँगै चारदिने छठ पर्व सोमबार बिहान सम्पन्न भएको छ। छठ पर्वको अन्तिम दिन आज बिहान ललितपुरको कुपन्डोललगायत विभिन्न...

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार मनाइएको छ। यस अवसरमा नेपाली सेनाले तालिमप्राप्त कुकुरहरूको विशेष सीप तथा कलाकौशल प्रदर्शन गरेर कुकुर...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो दिन आयोजित रेड कार्पेट समारोहमा स्वदेशी तथा विदेशी कलाकार, फिल्मकर्मी र विशिष्ट व्यक्तित्वहरूको उपस्थिति रहेको...

भर्खरै

कुकुरको सीप प्रदर्शनसँगै नेपाली सेनाले मनायो कुकुर तिहार (तस्बिरहरू)

यमपञ्चक अर्थात् तिहारको दोस्रो दिन आज देशभर कुकुर तिहार...

‘काठमाडौँ फिल्म फेस्टिभल’ को रेड कार्पेटमा स्वदेशी तथा विदेशी कलाकार (तस्बिरहरू)

काठमाडौँ- काठमाडौँमा जारी तीनदिने ‘काठमाडौँ फिल्म फेस्टिभल’ को दोस्रो...

डोल्पा कारागारबाट सुरुङ खनेर यसरी भागेका थिए आठ कैदी (तस्बिरहरू)

डोल्पा - डोल्पाको सदरमुकाम दुनैस्थित जिल्ला कारागारबाट सुरुङ खनेर...

सांस्कृतिक उत्सवका साथ सुरु भयो ‘काठमाडौँ फिल्म फेस्टिभल’ (तस्बिरहरू)

काठमाडौँ-  काठमाडौँमा शुक्रबारदेखि पहिलो ‘काठमाडौँ फिल्म फेस्टिभल’ सुरु भएको...

खाद्य प्रविधि विभागले भन्यो: जथाभावी इनर्जी ड्रिङ्क्स नपिउनुस्

खाद्य प्रविधि तथा गुण नियन्त्रण विभागले जथाभावी इनर्जी ड्रिङ्क्स...

धेरै पढिएको