रामेछाप — नेपाल आदिवासी जनजाति पत्रकार महासंघ (फोनिज) बागमती (नेवा–ताम्सालिङ) प्रदेशको अध्यक्षमा पुनः युवराज श्रेष्ठ चयन भएका छन्। रामेछाप सदरमुकाम मन्थलीमा सम्पन्न तेस्रो महाधिवेशनले श्रेष्ठको नेतृत्वमा २२ सदस्यीय कार्यसमिति सर्वसम्मतरूपमा चयन गरेको हो।
शुक्रवारबाट सुरु भएको महाधिवेशन अन्तर्गत नयाँ नेतृत्व चयनका लागि सुरु भएको बन्दसत्र शनिबार बिहानसम्म चलेको थियो। नयाँ कार्यसमितिमा उपाध्यक्षमा काभ्रेका दिलबहादुर लामा, महिला उपाध्यक्षमा अनिता डंगोल, महासचिवमा काठमाडौंका राजु नापित, तथा सचिव (संस्थागत) हिरालाल गुरुङ्ग, सचिव (महिला) निशा गुरूङ र कोषाध्यक्षमा धादिङका शङ्कर श्रेष्ठ चयन भएका छन्।
त्यस्तैलेखा समिति संयोजक अशोक सुजन श्रेष्ठ, अनुशासन समिति संयाेजक, जगत तामाङ, सदस्यहरु, वावुकाजि श्रेष्ठउद्भव कुमार श्रेष्ठ, मानकाजी तामाङ्ग, रत्नकाजी प्रजापती, रवि महर्जन, जर्नेल घले,तेज नाहिरिङ्ग राई, श्यामलाल लामा र विशाल राज राई चयन भए।
फोनिज बागमती (नेवा–ताम्सालिङ) प्रदेशको यो अधिवेशन आदिवासी जनजाति पत्रकारहरूको संगठन सुदृढ गर्दै प्रेस स्वतन्त्रता, सामाजिक न्याय र समुदायको सशक्तीकरणमा केन्द्रित हुने अपेक्षा गरिएको छ।
कार्यक्रममा आदिवासी पत्रकारिताका चुनौतीहरू, सञ्चार माध्यममा जनजाति समुदायको प्रतिनिधित्व, र प्रेस स्वतन्त्रताको विषयमा विभिन्न छलफल तथा प्रस्तुति गरिएको थियो। अधिवेशनले संगठनलाई थप सशक्त बनाउन नीति तथा रणनीति तय गर्ने निर्णय गरेको छ।
