क्यारेबियन प्रिमियर लिग (सीपीएल) मा सन्दीप लामिछानेले किफायती बलिङ गर्दै २ विकेट लिए पनि उनको टीम जमैका तालवाहज पराजित भएको छ।
गुएना अमेजन वारियर्सले दिएको ११९ रनको लक्ष पच्छ्याएको तालवाहजले ७ विकेट गुमाएर १०४ रन मात्र बनाउन सक्यो। तालवाहजका आन्द्रे रसेलले ५२ रन बनाए पनि जित दिलाउन सकेनन्।
ब्याटिङको मौका पाएका सन्दीप ‘डक आउट’ भए। ३ बल खेलेका उनलाई इमरान ताहिरले एलबीडब्लु धरापमा पारेका थिए।
यसअघि तालवाहजले कसिलो बलिङ गरेको थियो। सन्दीपले ४ ओभरमा ८ रन मात्र खर्चिएर २ विकेट लिएका थिए। उनले सेरफान रुथफोडै र कप्तान क्रिस ग्रिनको विकेट लिएका थिए।
सन्दीपले कप्तान ग्रिनलाई बोल्ड गरेका थिए। त्यसबाहेक तालवाहजका लागि मुजिब उर रहमान र कार्लोस ब्राथवेटले ३÷३ विकेट लिए। वारियर्सका लागि ओपनर ब्रान्डन किङले सबैभन्दा बढी २९ रन बनाए।
