डम्बर निदाल
डडेल्धुरा – डडेल्धुरा जिल्ला ट्राफिक प्रहरी कार्यालय डडेल्धुराले आर्थिक बर्ष २०७६÷७७ मा करिव २० लाख ४६ हजार रुपैया राजस्व संकलन गरेको छ । आर्थिक बर्ष २०७७÷७८ को साउन महिनामा मात्र जम्मा एक लाख अठहत्तर हजार पाँच सय रुपैया राजस्व संकलन गरेको जिल्ला ट्राफिक कार्यालय डडेल्धुराले जनाएको छ ।
जिल्ला ट्राफिक कार्यालय डडेल्धुराले विभिन्न समयमा राजमार्ग सडकमा चेकजाँचका क्रममा ट्राफिक नियम उल्घंन गर्ने सवारी साधनहरु लाई कारवाही गरी उक्त राजस्व संकलन भएको जानकारी दिएको छ ।
आर्थिक बर्ष २०७६÷७७ मा कारवाही पर्नेमा ३ सय १३ बस, ९ सय ७८ ट्रक ,१ हजार २ सय ८२ जिपकार, ६ सय ७२ मोटरसाईकल , ३ सय ४२ ट्याक्टर र अन्य ९ गरि जम्मा ३ हजार पाँच सय ९६ सवारी साधनहरुबाट जरिवाना स्वरुप राजस्व संकलन भएको जिल्ला ट्राफिक प्रहरी कार्यालय स्याउले डडेल्धुराका प्रमुख तथा प्रहरी सहायक निरिक्षक देब बहादुर खत्रीले जानकारी दिएका छन ।
सवारी साधन वाट राजस्व संकलन गर्ने आफनो कुनै उद्देश्य नरहेको तर धेरै जसो सवारीसाधनहरुले नियम उल्लंघन गर्ने गरेका कारण नियमको उल्लंघन र परिस्थितिजन्य आदेशको अवज्ञा गर्ने सवारी चालकलाई कारवाही गरीएको प्रहरी सहायक निरिक्षक खत्रीले बताए ।
यसै गरी आर्थिक बर्ष २०७६÷७७ मा सवारी दुर्घटनामा परि ५ जनाको मृत्यु भएको ,गम्भिर घाईते ५ जना र २२ जना साधारण घाईते भएको समेत जानकारी दिएको छ ।
