काठमाडौं – न्याय परिषदले उच्च अदालतका न्यायाधीशहरुको सरुवा गरेको छ। परिषदको बिहीबार बसेको बैठकले उच्च अदालतका कार्यरत १ सय ५६ जना न्यायधीशहरुको सरुवा गरेको हो।
त्यस्तै बैठकले विशेष अदालत काठमाडौंको अध्यक्ष पदमा उच्च अदालत दिपालयमा कार्यरत न्यायाधीश शिवराज अधिकारीलाई नियुक्त गरेको छ। त्यस्तै सदस्यहरुमा उच्च अदालत सुर्खेतका न्यायाधीशहरु कृष्ण गिरी र शान्तिसिंह थापा, उच्च अदालत दिपायलका न्यायाधीश वालेन्द्र रुपाखेती, उच्च अदालत जनकपुर अस्थायी इजलास वीरगञ्जमा कार्यरत न्यायाधीश चन्द्रबहादुर सारु र उच्च अदालत विराटनगर इलाम इजलासमा कार्यरत रवि शर्मा अर्याललाई नियुक्त गरेको छ।
