काठमाडौं – काठमाडौं उपत्यकामा थप १८८८ जनामा कोरोना संक्रमण पुष्टि भएको छ ।
स्वास्थ्य मन्त्रालयका प्रवक्ता डा.जागेश्वर गौतमका अनुसार काठमाडौंका १५०८ जना, भक्तपुरका १३१ जना र ललितपुरका २४९ जनामा कोरोना संक्रमण देखिएको हो।
यस्तै काठमाडौँ उपत्यकामा हिजोपनि १६१५ जनामा कोरोना संक्रमण भएको थियो। काठमाडौँ उपत्यकामा कोरोना संक्रमण तिब्र रुपमा बढिरहेको छ।
यस्तै नेपालमा थप ३५१७ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार हालसम्म संक्रमित हुनेको संख्या १६८२२५ पुगेको छ।
