डडेल्धुरा -जिल्ला प्रहरी कार्यालय डडेल्धुराले अमरगढी नगरपालिका–५ बाट गत शुक्रवार जुवा खेलीरहेको अबस्थामा पक्राउ परेका ११ जनाको नाम सार्वजनिक गरेको छ ।
शुक्रबार राती पक्राउ परेकाहरुको आईतबार मात्रै नाम सार्वजनिक गरिएको हो । शुक्रबार राती १० बजेको समयमा उनिहरुलाई अमरगढी नगरपालिका–५ बाट पक्राउ गरेकोे जिल्ला प्रहरी कार्यालय डडेल्धुराले जनाएको छ ।
पक्राउ पर्नेमा डडेल्धुराको अमरगढी नगरपालिका वडा नम्बर ५ का ३३ वर्षीय मनोज सिजापती, ४८ वर्षीय सुन्दर जैरु, ३८ वर्षीय ज्ञानेन्द्र पाल्पाली, ५१ वर्षीय कृष्ण रायमाझी, २७ वर्षीय जयबहादुर पुनमगर, ३० वर्षीय मिलन थापा, ३५ वर्षीय गणेश थापा, ३५ वर्षीय सनी पाल्पाली, वडा नम्बर ४ का ४८ वर्षीय इन्द्रबहादुर थापा, भागेश्वर गाउँपालिका–५ का ४१ वर्षीय राजेन्द्र नाथ र बैतडीको पाटन नगरपालिका–९ का ३५ वर्षीय लोकेश भट्ट रहेका छन् । अमरगढी नगरपालिका–५ खलङ्गा स्थित मनोज सिजापतीको घरमा जुवातास खेली रहेको अवस्थामा उनिहरु लाई पक्राउ गरीएको प्रहरीले जनाएको छ ।
उनको साथ बाट १८ हजार तिन सय ८५ रुपैया बरामत गरिएको जिल्ला प्रहरी कार्यालय डडेल्धुराले जनाएको छ ।
आईतबार जिल्ला प्रशासन कार्यालय डडेल्धुरा बाट जुवा ऐन अन्तर्गत सात दिनको म्याद थप अनुमती लिई अनुसन्धान प्रकृया अगाडी बढाईएको जिल्ला प्रहरी कार्यालयले जनाएको छ ।
