काठमाडौं – आइपिएल को १३ औँ सीजनको पहिलो क्वालिफायरमा मुम्बई इण्डियन्सले दिल्ली क्यापिटल्सलाई ५७ रनले पराजित गरेको छ । डिफेन्डिङ च्याम्पियन मुम्बई लगातार दोश्रो पटक फाइनलमा प्रवेश गरेको हो ।
रोहित शर्माको कप्तानमा रहेको टीम ५ औँ पटक आईपीएलको उपाधि हात पार्नबाट मात्र एक कदम पछाडि छ ।
यो भन्दा अगाडि मुम्बर्यले फाइनलमा चेन्नई सुपरकिंग्सलाई १ रनले पराजित गरेको थियो । यो भन्दा पहिला मुम्बई २०१७, २०१५, र २०१३ मा विजयी भएको थियो ।
टस हारेर पहिला ब्याटिङ गरेको मुम्बईले निर्धारित २० ओभरमा २०१ रनको लक्ष्य दिएको थियो । जवाफमा दिल्लीले ८ विकेट गुमाएर मात्र १४३ रन नै बनाउन सक्यो । दिल्लीका लागि मार्कस स्टोइनिसले ४६ बलमा ६५ रनको योगदान गरे ।
जसप्रित बुमराहले ४ ओभरमा १४ रन खर्चिएर ४ विकेट लिए । उनी म्यान अफ दि म्याच समेत बने ।
दिल्लीले शुरुवाती तीन विकेट खातै नखोली गुमाएको थियो । पृथ्वी शा, शिखर धवन र अंजिक्य रहाणे खाता नखोली पेभेलियन फर्किएका थिए ।
