काठमाडौं – काठमाडौं उपत्यकासहित देशभरको तापक्रम आज एकदमै चिसो महशुस गरिएको छ । केही दिन अघिसम्म गर्मी महशुस गरिएको तापक्रम क्रमश घटेपछि चिसो बढेको हो ।
आइतबार काठमाडौं उपत्यकाको न्यूनतम तापक्रम ९ दशमलब ८ डिग्री सेल्सियस रहेको छ । दिउँसो भने तापक्रम केही बढ्ने देखिएको छ ।
आज दिउँसो काठमाडौं उपत्काको तापक्रम अधिकतम तापक्रम २२ देखि २४ डिग्री सेल्सियसकाबीच रहने जनाइएको छ ।
अन्य भू–भागमा मौसम सामान्यतया सफा रहनेछ । आज काठमाडौं उपत्यकाको मौसम आंशिक बदली हुने महाशाखाले जनाएको छ ।
आज बिहान सूर्योदय ६ बजेर २० मिनेटमा भयो भने सूर्यास्त साँझ ५ बजेर १५ मिनेटमा हुनेछ ।
