डम्बर निदाल
डडेल्धुरा – डडेल्धुरा जिल्लाको भागेश्वर गाउँपालिका रुपाल क्षेत्रमा चितुवाले फेरी आक्रमण गरेको छ । चितुवाको आक्रमणबाट एक किशोेरीको मृत्यु भएको छ । बैतडी जिल्लाको शिवनाथ गाउँपालिका–४ बगारकी अन्दाजी १८ वर्षीया माया महताको चितुवाको आक्रमणबाट ज्यान गएको हो । चितुवाको आक्रमण बाट भागेश्वर गाउँपालिका –१ मा सोमबार दिउसो किशोरीको ज्यान गएको हो ।
चितुवाको आक्रमण बाट मृत्यु हुनेमा बैतडीको शिवनाथ गाउँपालिका–४ बगारकी अन्दाजी १८ वर्षिय माया महताको ज्यान गएको बताईएको छ । घाँस काट्न डडेल्धुरा–बैतडीको सिमा क्षेत्र भागेश्वर गाउँपालिका–१ मर्मागाड पुगेकी किशोरीको सोमबार दिउँसो अढाई बजेतिर चितुवाले आक्रमण गरेको जनाएको छ । उनको घटना स्थलमै मृत्यु भएको शिवनाथ गाउँपालिकाका अध्यक्ष कर्णसिंह साउदले जानकारी दिए । चितुवा लाई भगाउन खोज्दा अरु लाई पनि आक्रमण गरेको उनले बताए । हल्लाखल्ला गर्दा अरु लाई पनि झम्टिदा केही स्थानिय लाई घाउचोट पुगेको उनको भनाई छ ।
अहिले घटना स्थलमा जिल्ला प्रहरी कार्यालय डडेल्धुराबाट प्रहरी निरीक्षक राजेन्द्र चन्दको कमाण्डमा टोली खटिएर अनुसन्धान गरिरहेको जिल्ला प्रहरी कार्यालय डडेल्धुराले जनाएको छ । आइतबार मात्रै डडेल्धुराको भागेश्वरमा चितुवाले १२ वर्षीय बालकको ज्यान लिएको थियो ।
