डम्बर निदाल
डडेल्धुरा – नेपाली कांग्रेस जिल्ला कार्य समिती डडेल्धुरालाई विधि र विधान अनुसार चल्न अनुरोध गर्दै ध्यानाकर्षण गराएको छ । जिल्ला कार्य समिती पुर्व सभापती रघुवर भट्ट सहित वर्तमान जिल्ला कार्य समिती कै पदाधिकारी र भातृ तथा शुभेच्छुक संस्थाका प्रमुख लगाएत जिल्ला कार्य समिती सदस्यहरुले पार्टीको सदस्यता नविकरणका साथै नयाँ वितरण पार्टीको विधि र विधान अनुसार गरिनु पर्ने भन्दै विहिवार ध्यानाकर्षण पत्र बुझाएका हुन ।
नेपाली काँग्रेस डडेल्धुराको असोज ७ गते बसेको कार्य समिति बैठकमा भएको भद्र सहमतिलाई उल्लंघन गरेको भन्दै पुर्व सभापति रघुबर भट्टपक्षधरले पार्टी सभापति कर्ण मल्लको ध्यानाकर्षण गराएका छन् । नेपाली कांग्रेस डडेल्धुराको जिल्ला कार्य समिती वैठकमा भएको क्रियाशिल सदस्यता नविकरणका साथै नयाँ वितरणको सम्वन्धमा भएको निर्णय सहमती र सहकार्य बिपरित भईरहेको प्रति ध्यानाकर्षण गर्दै हस्ताक्षर सहितको पत्र कार्यवाहक सभापतीलाई वुझाएका हुन ।
क्रियाशिल सदस्यता नविकरण तथा नयाँ सदस्यता वितरण गर्न दुवै पक्षविच भएको सहमति उल्लंघन गर्दै पार्टी सभापतिले क्रियाशिल सदस्यता वितरण गरेको र उक्त कार्य तत्काल सच्याउनु पर्ने भन्दै ध्यानाकर्षण गराएका छन् । सहमति अनुसार पार्टीको सांगठनिक गतिविधि गर्नुपर्ने थियो तर त्यसो नभई एकल निर्णय र मनोमानि रुपमा पार्टीका गतिविधि लगायत क्रियाशिल सदस्यता वितरण गरेको भन्दै पूर्व सभापति रघुबर भट्टलगायत ३१ जना नेता कार्यकर्ताहरुले संयुक्त हस्ताक्षर गरी पार्टी सभापति कर्ण मल्लको ध्यानाकर्षण गराएका छन् ।
वैठकमा विगतका कमी कमजोरी, सच्याएर सागंठनिक गतिविधीमा हातेमालो गर्ने गरि सहमती भएको भएपनि जिल्लाको नेतृत्वले एकलौटी ढगंवाट नविकरण र नया सदस्यता वितरण गरि रहेको आरोप ध्यानाकर्षण पत्र बुझाउने पदाधिकारीको रहेको छ । नविकरण प्रक्रिया शुल्कसमेत पारदर्शि नभएको आरोप ध्यानाकर्षण पत्रमार्फत पार्टीलाई वुझाएको पुर्व उपसभापती कैलाश कुमार पाण्डेयले जनाएका छन ्। नयाँ क्रियाशिल सदस्यता फरामका वारेमा कुनै छलफल, सहमती तथा निर्णय नै नगरि पार्टी सभापती कर्णबहादुर मल्लले आफ्नै मनपरि ढगंले चलेको प्रति आपत्ती समेत जनाएको कार्यक्रममा सहभागी नेताहरुले वताए ।
पार्टी सभापतीले गलत कदम सच्याउनु पर्ने उनले जनाएका छन । तर नेपाली काग्रेंस डडेल्धुराका पार्टी सभापती मल्ल जिल्ला वाहिर रहेको भएपनि उक्त ध्यानाकर्षण पत्र भने कार्यवाहक सभापती करुणाकर भट्टले बुझेका थिए । ध्यानाकर्षण पत्र बुझ्ने क्रममा कार्यवाहक सभापती भट्टले उक्त कुराको समिक्षा गरिनु पर्ने वताएका छन । कमि कमजोरी सवैका रहेका छन । नविकरण र नयाँ सदस्यता फरामका वारेमा समिक्षा गरिनु पर्ने जनाएका छन ।
