काठमाडौं – कर्णालीलाई ८० रनले हराउँदै आर्मीले चौथो संस्करणको प्रधानमन्त्री कप राष्ट्रिय एकदिवसिय क्रिकेट प्रतियोगितामा लगातार दोस्रो जित निकालेको छ ।
आइतबार मुलपानी क्रिकेट मैदानमा उक्त खेल भएको हो । जितका लागि १ सय ९६ रनको विजयी लक्ष्य पछ्याएको कर्णालीले ३३.३ ओभरमा १ सय १५ रनमा आल अल आउट भयो । कर्णालीका कप्तान रविन्द्रजंग शाहीले ४२ बलमा ६ चौका सहित सर्वाधिक ३० रनको योगदान दिए । हेमन्त ओली १६ र दीनेश अधिकारीले १२ रन बनाउन बाहेक अरु खेलाडीको राम्रो प्रर्दशन भएन ।
टस जितेर पहिला ब्याटिङ थालेको आर्मी ४३.१ ओभरमा १ सय ९५ रनमा अल आउट भएको थियो । आर्मीका ओपनर अनिल मण्डलले १ सय १४ बलमा १४ चौका सहित सर्वाधिक ८९ रनको योगदान दिए । कप्तान विनोद भण्डारीले ५५ बलमा ३ चौका र १ छक्का सहित ४१ रनको योगदान दिए ।