काठमाडौँ – काठमाडौँमा जारी प्रधानमन्त्री कप राष्ट्रिय क्रिकेट प्रतियोगिताको सेमिफाइनलको समिकरण पुरा भएको छ ।
समुह ‘ए’ बाट सशस्त्र प्रहरीको एपीएफ क्लब तथा त्रिभुवन आर्मी क्लब सेमिफाइनलमा पुगेका छन् भने समुह ‘बि’ बाट बागमती प्रदेश र नेपाल पुलिस क्लब सेमिफाइनलमा पुगेका छन् ।
पुलिस क्लबले सोमबार भएको खेलमा प्रदेश २ लाई ४ विकेटले पराजित गरेपछि सेमिफाइनलमा आफ्नो स्थान पक्का गरेको हो ।
समुह ‘ए’ मा एपीएफ र त्रिभुवन आर्मी क्लब क्लब सेमिफाइनलमा पुगेको हो । समुह ‘ए’ मा कर्णाली प्रदेश, प्रदेश १ र गण्डकी प्रदेशले आफ्ना ४ खेलमा केवल एक-एक खेलमा मात्र जित हासिल गरेका थिए ।
त्यस्तै समुह ‘बि’ बाट बागमती प्रदेशले ४ खेलमा ३ जित र एक बराबरीसहित ७ अंक हासिल गर्दै शिर्ष स्थानमा रहदै सेमिफाइनलमा पुगेको छ । त्यस्तै पुलिस क्लबले भने ३ खेलमा जित हासिल गर्दै ६ अंक बटुलेर सेमिफाइनल यात्रा तय गरेको छ । त्यस्तै समुह ‘बि’ मा रहेको लुम्बिनी प्रदेशले ४ खेलमा २ जित एक हार र एक बराबरीसहित ५ अंक बटुलेर तेस्रो हुदै सेमिफाइनल पुग्न चुकेको थियो ।
त्यस्तै सुदूरपश्चिम प्रदेशले आफ्ना ४ खेलमा केवल एक जित हासिल गर्यो भने प्रदेश २ ले आफ्ना चारै खेलमा हार बेहोरेको छ ।
अब पहिलो सेमिफाइनलमा २७ गते बुधबार र दोस्रो सेमिफाइनल २८ गते विहिबार हुने छ ।
त्यस्तै प्रतियोगिताको फाइनल खेल आगामी शनिबार हुने छ ।
