काठमाडौं – काठमाडौँमा जारी प्रधानमन्त्री कप एकदिवसिय क्रिकेट प्रतियोगिता दोस्रो सेमिफाइनल बागमती प्रदेशले त्रिभुवन आर्मी क्लबविरुद्ध पहिला बलिङ गर्ने भएको छ ।
टियु क्रिकेट मैदानमा बागमतीका कप्तान ज्ञानेन्द्र मल्लले टस जितेर पहिला बलिङ गर्ने निर्णय लिए । बागमतीले आजको खेलमा टोलीमा कुनै परिवर्तन गरेको छैन । आर्मीले तीव्र गतिका बलर आकाश चन्दको स्थानमा जितेन्द्र मुखियालाई खेलाएको छ ।
आजको विजेताले शनिवार उपाधिको लागि नेपाल एपिएफ क्लबसँग खेल्ने छ । एपिएफले पहिलो खेलमा पुलिसलाई ३० रनले हराउँदै फाइनलमा पुगि सकेको छ । आर्मी प्रधानमन्त्री कपको तीनै संस्करणमा फाइनल सम्मको यात्रा तय गरेको छ । आर्मी बागमतीलाई हराउँदै लगातार चौथो पटक फाइनमा पुग्ने सोचमा छ । यता बागमती पनि आर्मीलाई हराउँदै प्रधानमन्त्री कपको फाइनलमा पुग्ने पहिलो प्रदेशको टोली बन्न चाहान्छ ।