काठमाडौं – सिंगटी हाइड्रो इनर्जी लिमिटेडले आजबाट सर्वसाधारणका लागि आईपीओ बिक्री सुरु गर्ने भएको छ ।
आयोजना प्रभावित दोलखाका स्थानीयलाई आईपीओ बिक्री गरिसकेको कम्पनीले अहिले सर्वसाधारणको लागि आईपीओ बिक्री गर्न लागेको हो ।
मेगा क्यापिटल मार्केट लिमिटेड बिक्री प्रबन्धक रहेको कम्पनीको आईपीओमा सर्वसाधारणले छिटोमा चैत १० गतेसम्म आवेदन दिन सक्नेछन् ।
सर्वसाधारणले आईपीओमा न्यूनतम १० कित्तादेखि अधिकतम २ लाख कित्तासम्म आवेदन दिन सक्नेछन् । कम्पनीले प्रतिसेयर १०० रुपैयाँ अंकित मूल्यका २९ लाख कित्ता साधारण सेयर बिक्री खुला गरेको हो ।
