- अजय लेन्सम्यान
ललितपुर- गत फागुन २३ गते भन्दा अगाडि पहिलो प्राथमिकतामा परेर कोरोना विरुद्धको कोभिसिल्ड खोप लगाएका तर दोस्रो मात्रा लिन छुटले आज अन्तिम दिन खोप लगाएका छन् ।
बागमती प्रदेशको सामाजिक विकास मन्त्रालय स्वास्थ्य कार्यालय ललितपुरले अग्रपंक्तिमा रहेर सेवा प्रदान गर्ने फ्रन्टलाइनर स्वास्थ्यकर्मी, सुरक्षाकर्मी, पत्रकार र सरसफाइकर्मीलगायतलाई दोस्रो डोजको खोप लगाएको हो ।
बिहिबार र शुक्रबार गरी दुई दिन स्वास्थ्यकर्मी, सरकारी कर्मचारी, सरसफाईकर्मी, पत्रकार, कूटनीतिक नियोगका कुटनीतिज्ञ तथा सो नियोगका कर्मचारी, सार्वजनिक संस्थान तथा बैंक र वित्तिय संस्थानका कर्मचारीलगायतलाई मात्रै खोप लगाइएको थियो ।
खोप लगाउनेक्रममा आफन्त छिराएको भन्ने आरोप केहि व्यक्तिहरुले लगाएता पनि सो कुरामा सत्यता नभएको बागमती प्रदेशको सामाजिक विकास मन्त्रालय स्वास्थ्य कार्यालय ललितपुरका प्रमुख डा. खगेश्वर गेलालले जानकारी दिए।
