काठमाडौं – नेकपा एमालेमा सहमति खोज्न गठित कार्यदलको बैठक बिगत १० दिनदेखि बस्दै आएको छ । हिजो बसेको बैठकमा एमाले एकताका निम्ति दुई पक्षबीच सहमति भएको छ । एकताका लागि बनेको कार्यदलको वैठक समझदारीमा टुंगिएको हो ।
बैठक लगभग सहमतिमा पुगेको केहि बिषयमा सहमति हुन मात्रै बाँकी रहेको माधब नेपाल पक्षका नेता गोकर्ण विष्टले जानकारी दिए ‘ वैठक निकै लामो र सकारात्मक भयो केहि सहमति हुन बाँकी रहेका विषयलाई पुन : बैठक बसेर टुंगोमा पुर्याउने सहमति भयो,’ उनले भने।
पार्टी भित्र विवाद देखिएका करिब ‘आधा दर्जन विषयमा छलफल भयो, एकाध विषयमा छलफल बाँकी रह्यो, पुन : बैठक बसेर निष्कर्षमा पुग्छौ’ विष्टको भनाइ छ ।
झण्डै सात घन्टाको वैठकपछि पार्टीको एकतालाई सुदृढ गर्ने सम्वन्धमा सहमतिमा पुगेका छौं ।’ उनले भने। सहमतिको दस्ताबेजलाई अन्तिम रुप दिन केही भाषिक परिमार्जन लगायतका केही विषयमा हामी बस्नुपर्ने भएका कारणले बैठक बसेर सहमतिमा पुग्छौं ।