काठमाडौं – नेकपा एमालेका वरिष्ठ नेता माधव कुमार नेपाललाई भेट्न अर्का नेता विष्णु पौडेल कोटेश्वर पुगेका छन् ।
अध्यक्ष केपी ओलीले भोलि स्थायी कमिटी बैठक बोलाउने तयारी गरिरहेका बेला संस्थापनतर्फका नेता पौडेल वरिष्ठ नेता नेपाललाई भेट्न पुगेका हुन् । यसअघि हिजो स्थायी कमिटी सदस्य सुवास नेम्वाङले पनि नेपाललाई भेटेका थिए ।
केही दिनअघि सम्पन्न एमालेको केन्द्रीय कमिटी बैठकले पार्टी एकताको सम्पूर्ण जिम्मेवारी अध्यक्ष केपी शर्मा ओलीलाई दिएको थियो । एकताका लागि दुवै तर्फको कार्यदलले तयार पारेको १० बुँदे सहमतिलाई अनुमोदन गर्दै एमालेले कार्यान्वयनमा जोड दिएको छ ।
