काठमाडौं – नेपालले एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत महिलातर्फको लगातार दोस्रो पटक उपाधि जितेको छ । बंगलादेशको ढाकामा उज्वेकिस्तानलाई ३–२ को सेटमा हराउँदै नेपाल च्याम्पियन बन्न सफल भएको हो ।
मिरपुरस्थित शाहिद शुरवार्दी इन्डोर स्टेडियममा साविक विजेता समेत रहेको नेपालले पहिलो सेट २५(२४ ले जितेको थियो । दोस्रो सेटमा उज्वेकिस्तान २५(२४ ले विजयी भयो । तेस्रो सेट नेपालले २५-१५ ले जित्यो । चौंथो सेट उज्वेकिस्तानले २५(२२ ले जित्दै खेल २(२ को अवस्थामा पुर्राए ।
त्यसपछि पाँचौं सेटमा नेपालले १५(१० ले आफ्नो बनाउँदै उपाधि रक्षा गरेको हो । यससँगै नेपाल अपराजित रहदै च्याम्पियन बनेको हो । यस्तै सेन्ट्रल जोनको महिलातर्फ नेपाल लगातार दोस्रो पटक च्याम्पियन बनेको हो ।
पुरुषतर्फ नेपालले तेस्रो स्थानका लागि उज्वेकिस्तानसँग खेल्नेछ । नेपाल र उज्वेकिस्तानबीचको खेल अपरान्ह १स्१५ बजे सुरु हुनेछ ।
यस्तै नेपालले सन् २०२२ मा दक्षिण एसियाली महिला भलिबल च्याम्पियनसिप आयोजना गर्ने भएको छ । हिजो बंगलादेशमा सम्पन्न सेन्ट्रल एसियन भलिबल एशोसियसनको साधारण सभाले अर्को वर्ष नेपालमा यो प्रतियोगिता आयोजना गर्ने निर्णय गरेको नेपाल भलिबल संघका महासचिव जितेन्द्रबहादुर चन्दले जानकारी दिए ।
नेपालले यसअघि सन् २०१९ मा एसियन सेन्ट्रल जोन सिनियर मेन्स भलिबल प्रतियोगिताको सफल आयोजना गरेको थियो । भलिबल संघले दक्षिण एसियाली च्याम्पियनसिप आयोजनाका लागि विश्वास गरेकोमा एशोसिएसनलाई धन्यबाद दिएको छ । महासचिव चन्दले नेपालले उपयुक्त समयमा प्रतियोगिताको मिति तोक्ने जानकारी दिएका छन् ।
यसैबीच सेन्ट्रल एसियन सिनियर मेन्स तथा वुमेन्स भलिबलको अर्को संस्करण माल्दिभ्समा आयोजना गरिने पनि साभारण सभाले निर्णय गरेको छ । अर्को वर्ष पुरुषतर्फ सातौं र महिलातर्फ तेस्रो संस्करण माल्दिभ्सले आयोजना गर्नेछ ।