ओमानमा जारी आईसीसी टी–२० विश्वकप छनोटअन्तर्गत नेपालले फिलिपिन्सलाई २१९ रनको लक्ष्य दिएको छ।

ओमानको अल अमिरात मैदानमा भएको खेलमा टस हारेर ब्याटिङको निम्तो पाएको नेपालले निर्धारित २० ओभरमा ३ विकेट गुमाउँदै २१८ रनको योगफल तयार पारेको हो।

ओमानमा भइरहेको टी–२० विश्वकप छनौट अन्तर्गतको दोस्रो खेलमा नेपालका कुशल भुर्तेलले शतक प्रहार गरेका छन् । उनले ओमानको अल अमेरातमा भइरहेको फिलिपिन्सविरुद्धको खेलमा शतक प्रहार गरेका हुन् ।

उनले ५७ बल खेल्दै १०० रन पुरा गरेका हुन् । योसँगै उनी टी-२० अन्तर्राष्ट्रिय क्रिकेटमा नेपालबाट शतक प्रहार गर्ने तेस्रो खेलाडी बनेका छन्।

उनीअघि नेपालबाट पूर्वकप्तान पारस खड्का र ज्ञानेन्द्र मल्लले शतक प्रहार गरेका छन्।

दीपेन्द्रसिंह ऐरीले ४७ बल खेल्दै ८३ रन बनाए। यसअघि आसिफ शेस शून्य र कुशल मल्ल १२ रन बनाएर आउट भएका थिए। लोकेश बम ६ रनमा नटआउट रहे।

LEAVE A REPLY

Please enter your comment!
Please enter your name here