झापा क्षेत्र नम्बर-५ मा नेकपा एमालेका अध्यक्ष केपी शर्मा ओलीले अग्रता कायम गरेका छन्। पछिलो मतपरिणाम अनुसार ओली ८९७८ मतसहित पहिलो स्थानमा छन्।
उनका निकटतम प्रतिद्वन्द्वी नेपाली कांग्रेसका खगेन्द्र अधिकारीले ५४४८ मत प्राप्त गरेका छन्।
यस्तै राष्ट्रिय स्वतन्त्र पार्टीका सुरेशकुमार पोखरेल १४८६ मतसहित तेस्रो स्थानमा छन् भने जनमत पार्टीका भीम राजवंशी ८६८ मतसहित चौथो स्थानमा छन्।
झापा-५ मा एमाले र राप्रपाबीच चुनावी तालमेल रहेको छ। यसअघिको निर्वाचनमा पनि यो क्षेत्रमा ओली नै चुनिएका थिए।झापाामा कुल पाँच वटा निर्वाचन क्षेत्र रहेका छन्।
प्रतिनिधि सभा र प्रदेश सभाका लागि भएको मतदानको परिणाम आउने क्रम जारी रहेको छ। समानुपातिकतर्फको पनि मतपरिणाम जारी भइरहेको छ।
पछिल्लो मत परिणाम अनुसार समानुपातिक तर्फ नेकपा एमाले पहिलो नम्बरमा छ। एमालेले ४३ हजार ५ सय ८५ मत ल्याएको छ। यस्तै दोस्रोमा रहेको कांग्रेसले ३८ हजार ३२४ मत पाएको छ।
नेकपा माओवादी केन्द्र भने चौथो स्थानमा छ। माओवादीलाई रवि लामिछाने नेतृत्वको राष्ट्रिय स्वतन्त्र पार्टीले उछिनेको छ। रास्वपा १८ हजार १२३ मत पाउँदै तेस्रो स्थानमा छ। चौथो स्थानमा रहेको माओवादीले भने १६ हजार ७१६ मत पाएको छ।
८ हजार ६२१ मतसहित राप्रपा पाँचौं स्थानमा छ। यस्तै नेकपा एकीकृत समाजवादी पार्टी समानुपातिकतर्फ नवौं स्थानमा छ। उसले २ हजार ३० मत पाएको छ।
(देशभर समानुपातिकतर्फ अहिलेसम्मको ताजा अपडेट)
1. नेकपा एमाले ४३ हजार ५ सय ८५ मत सहित पहिलो
2. कांग्रेस ३८ हजार ३ सय २४ मत सहित दोस्रो
3. स्वतन्त्र पार्टी १८ हजार १ सय २३ मत सहित तेस्रो
4. माओवादी १६ हजार ७ सय १६ मत सहित चौथो
5. राप्रपा ८ हजार ६ सय २१ मत सहित पाँचौ
6. जसपा नेपाल ३ हजार २ सय ४ मत सहित छैठौं
7. नेपाल मजदुर किसान पार्टी २ हजार ९ सय १० मत सहित सातौ
8. जनमत पार्टी २ हजार ८ सय १५ मत सहित आठौ
9. नेकपा एकीकृत समाजवादी २ हजार ३० मत सहित नौं
10. लोसपा नेपाल १ हजार ५ सय ६३ मत सहित दसौँ स्थानमा रहेका छन ।
