काठमाडौंबाट ६८ जना यात्रु लिएर पोखराका लागि उडेको यति एयरलाइन्सको विमान पोखरामा दुर्घटनामा परकाे छ ।पोखरा महानगरपालिका– १७ को सेती खोँचमा जहाज दुर्घटनामा परेको हो ।
एएनसी एटीआर ७२ जहाज ले ६८ जना यात्रु बोकेर गएको खुलेको छ । जहाज क्याप्टेन कमल केसीले उडाएका थिए ।पोखराको सेती खोँचमा दुर्घटनाग्रस्त भएको जहाजमा आगो लागेको यति एयरलाइन्सका प्रवक्ता सुदर्शन बर्तौलाले बताएका छन् ।
क्षतिकाे विवरण खुलिसकेकाे छैन । दुर्घटनास्थलमा आगाे निभाउने प्रयास भइरहेकाे छ । यति एयरलाइन्सका प्रवक्ता बर्तौलाका अनुसार विमानमा दुई पाइलट, दुई जना एयर होस्टेस र ६८ जना यात्रु सवार थिए ।
केसीले दिएको जानकारीअनुसार अहिलेसम्म ३० जनाको शव फेला परिसकेको छ। ‘कोही जिवित भेटिने हुने सम्भावना छैन,’ उनले भने,‘हामी शवहरू निकाल्दै छौं।’
जिल्ला प्रहरी प्रमुख अजय केसीका अनुसा पौने १२ बजेसम्म जहाजमा लागेको आगो निभाउन सकिएको छैन। ‘शवहरू डढेको अवस्थामा फेला परेका छन्,’ उनले भने।
अवतरणका क्रममा रहेको जहाज विमानस्थलदेखि २ किलोमिटर पर सेतीको खोंचमा दुर्घटनामा परेको थियो।
