प्रधानमन्त्री थ्री नेसन्स कप फुटबल प्रतियोगिताका लागि नेपाली राष्ट्रिय फुटबल टिमको घोषणा भएको छ ।
नेपाली फुटबल टिमका मुख्य प्रशिक्षक भिन्सेन्जो अल्बर्टो एनीसले मंगलबार थ्री नेसन्स कप फुटबलका लागि २३ सदस्यीय टोलीको घोषणा गरेका हुन् । राष्ट्रिय टोलीमा सात जना नयाँ खेलाडीले स्थान बनाएका छन् ।
गाेलकिपर अभिषेक बराल, पदम भट्टराई, मनि कुमार लामा, नवीन लामा, सनिश श्रेष्ठ, सुमित श्रेष्ठ र दीपक राजसिंह ठकुरीलाई पहिलाे पटक राष्ट्रिय टिममा समावेश गरिएकाे हाे ।
थ्री नेसन्स कपमा नेपालसँगै भुटान र लाओसकाे सहभागिता रहेकाे छ । दशरथ रंगशालामा बुधबार देखि सुरू हुने प्रतियोगिताकाे उद्घाटन खेलमा नेपाल र लाओसबीच प्रतिस्पर्धा हुनेछ ।
लाओसले दाेस्राे खेल शनिबार खेल्नेछन् । नेपाल र भुटानले आगामी मंगलबार र फाइनल खेल शुक्रबार हुनेछ ।
शीर्ष दुई टिम फाइनलमा प्रवेश गर्नेछन् । दशरथ रंगशालामा हुने थ्री नेसन्स कपको समूह चरणका खेल बेलुका ६ः०० सुरु हुनेछ । फाइनल भने चैत १७ गते शुक्रबार दशरथ रंगशालामा बेलुका ५ः३० बजे सुरु हुनेछ ।
यस्तो छ नेपाली टोली
गोलकिपरः किरण कुमार लिम्बु, दीप कार्की र अभिषेक बराल
डिफेन्डरः सनिश श्रेष्ठ, विकास खवास, अनन्त तामाङ, पदम भट्टराई, आदित्य चौधरी, निशान्त खड्का
मिडफिल्डरः पुजन उपरकोटी, एरिक विष्ट , नवीन लामा, रोहित चन्द, कमल थापा, मणिकुमार लामा, भरत खवास
फरवार्डः आयुष घलान, नवयुग श्रेष्ठ, दीपक सिंह ठकुरी, अन्जन विष्ट, आशिष चौधरी, सुमित श्रेष्ठ र मनिष डाँगी