काठमाडौँ – स्मार्टपालिकाले ट्र्याकिङ तथा क्वारेन्टिन व्यवस्थापन प्रणाली निर्माण गरेको छ।  स्थानिय निकायहरुलाई डिजिटल रुपान्तरण गर्ने उद्देश्यका साथ स्मार्टपालिकाले नेपालका ७५३ वटै स्थानिय सरकारका निम्ती कोभिड लाईभ ट्र्याकिङ तथा क्वारेन्टिन व्यवस्थापन प्रणाली बनाएको हो।

यस प्रणाली मार्फत हाल क्वारेन्टिन, लाईभ ट्र्याकिङ, आइसोलेसन, दैनिक रिपोर्ट, स्वयं-परिक्षा लगयात अन्य मोड्युलहरु मोबाइल एप्स तथा वेब सिस्टममा उपलब्ध रहेका छन। साथै विकास साझेधारहरुको सहयोगमा कन्ट्याक्ट ट्रेसिङ लगायत अन्य मोड्युलहरुको निरन्तर विकास र कार्यान्वयन गरिदै लागिने स्मार्टपालिकाले जनाएको छ ।

यस प्रणालीबाट हेल्थ कोअडिनेटर, स्थानिय प्रतिनिधी तथा जिल्ला प्रशासन कार्यलयले आफ्नो मातहतको काम गर्न तथा रिपोर्ट निकाल्न सक्छन भने सर्वसाधारणले स्वाब परिक्षा लिने, आफ्नो दैनिक रिपोर्ट बुझाउने तथा आधिकारिक रिपोर्ट हेर्ने गर्न सक्नेछन ।

स्मार्टपालिकाले बिगत ११ बर्षदेखि देश-विदेशमा भएका प्राकृतिक प्रकोप व्यवस्थापनका निम्ती प्रणाली विकास गर्दै आएको छ ।  यस  ट्र्याकिङ तथा क्वारेन्टिन व्यवस्थापन प्रणालीलाई भविष्यमा स्थानिय निकायको पूर्ण प्रकोप नियन्त्रण प्रणालीका रुपमा विकास गर्दै लैजाने  स्मार्टपालिकाका कार्यकारी निर्देशक मनोज भट्टराईको भनाइ छ।

स्मार्टपालिका र सेलएप इनोवेसन्सको संयुक्त प्रयासमा यस प्रणाली विकास गरिएको हो।  हाल भरतपुर महानगर, बिरगंज महानगर, धुलिखेल नगरपालिका लगायत करिव २० स्थानिय निकायमा यो प्रणाली प्रयोगमा आइसकेको छ ।

यसरी सन्चालन गर्नुहोस् 

Covid System Manual Guide (1)
फेसबुकबाट तपाईको प्रतिक्रिया