सरकारले चालू आर्थिक वर्षको साउन १ गतेदेखि लागू हुने गरी नयाँ तलबमान सार्वजनिक गरेको छ । साउन २६ को मन्त्रिपरिषद् बैठकले स्वीकृत गरेको नयाँ तलबमान मन्त्रालयले भर्खर सार्वजनिक गरेको हो ।
अर्थले सबै मन्त्रालय, आयोग, सचिवालय र कार्यालयलाई पत्राचार गर्दै हालै स्वीकृत नयाँ तलबमान, ग्रेड र प्राविधिक ग्रेडको विवरण पठाएको छ । सरकारले आर्थिक वर्ष २०७९/८० को बजेटमार्फत राष्ट्रसेवक कर्मचारीको १५ प्रतिशतका दरले तलब बढाएको थियो ।
अर्थ मन्त्रालयले तयार गरेको नयाँ तलब संरचना मन्त्रिपरिषदले स्वीकृत पनि गरिसकेको छ । निजामति कर्मचारीसँगै सुरक्षा निकायका कर्मचारीको तलब पनि वृद्धि भएको छ ।
सबै तहका निजामती कर्मचारी, नेपाली सेना, नेपाल प्रहरी, शसस्त्र प्रहरी बल, नेपाल स्वास्थ्य सेवा, संसद सेवा, सामुदायिक विद्यालयमा कार्यरत शिक्षक, प्रदेश र स्थानीय तहका शिक्षक, प्रदेश र स्थानीय तहका शिक्षक लगायतलाई साउन एक गतेनै लागू हुनगरी नयाँ तलब कायम गरिएको छ ।
नेपाल प्रहरीका महानिरीक्षक (आईजीपी)को तलब ७६ हजार ८८८ रुपैयाँ कायम भएको छ । सरकारले साउन एक गतेदेखि लागू हुने गरी तोकेको नयाँ तलबमानअनुसार शुरूको तलब स्केल ७२ हजार ८२ रुपैयाँ र २ हजार ४०३ ग्रेडदर गरी ७६ हजार ८८८ रुपैयाँ तोकेको छ ।
प्रहरी अतिरिक्त महानिरीक्षक (एआईजी)को तलब पनि आईजीपीकै सरह तोकिएको छ । भने प्रहरी नायब महानिरीक्षक (डीआईजी)को तलब ७६ हजार ४६ रुपैयाँ, एसएसपीको ६४ हजार ३५९, एसपीको ६० हजार ९९४, डीएसपीको ५६ हजार ८६२ रुपैयाँ नयाँ तलब भएको छ ।
प्रहरी जवानको नयाँ तलब ३३ हजार ३४ रुपैयाँ भएको छ । कार्यालय सहयोगी पाँचौस्तरको तलब ३७ हजार २३६ रुपैयाँ काम भएको छ ।
