काठमाडौं- एसिया रग्बी र नेपाल रग्बी संघको आयोजनामा शुक्रबारबाट सुरु भएको एसिया रग्बी इमिरेट्स सेभेन्स ट्रफी २०२४ मा आयोजक नेपालको पुरुष टोलीले दोश्रो हार व्यहोरेको छ।
त्रिपुरेश्वरस्थित दशरथ रंगशलामा शुक्रबार भएको खेलमा पुरुषतर्फ नेपाल बहराईनसँग ७–२७ को स्कोरमा पराजित भएको हो। यसअघि नेपाल आफ्नो पहिलो खेलमा उज्वेकिस्तानसँग २४–० को स्कोरमा पराजित भएको थियो।
यस्तै, नेपालको महिला टोली पनि आफ्नो पहिलो खेलमा फिलिपिन्ससँग ३२–० को स्कोरमा पराजित भएको थियो। महिला टोलीले शुक्रबार नै ग्वाम र उज्वेकिस्तानसँग प्रतिस्पर्धा गर्नेछ भने पुरुष टोलीको शुक्रबार अन्य खेल भने छैन।
प्रतियोगितामा १६ राष्ट्रको २१ टोलीको सहभागिता रहेको छ। प्रतियोगिता शुक्रबार र शनिबार हुनेछ। प्रतियोगिताको विजेता टिमले स्वर्ण पदकसहित च्याम्पियन ट्रफी पाउनेछ।
