माेरङ – उपप्रधानमन्त्री एवम् शहरी विकास मन्त्री प्रकाशमान सिंहले पार्टीलाई सुदृढ बनाउन गुटबन्दी न्यूनीकरण गर्नुपर्ने बताउनुभएकाे छ । शनिबार जिल्ला कार्यसमिति माेरङले पार्टी कार्यालयमा आयाेजना गरेकाे कार्यक्रममा बाेल्दै उहाँले पार्टी व्यवस्थापन नै अहिले कांग्रेसकाे लागि मूल चुनाैती रहेकाे बताउनुभयाे । उहाँले यसैगरि अब पार्टी नचल्ने भन्दै कांग्रेसलाई बलियाे बनाउन पार्टीलाई व्यवस्थित गरेर लैजानुपर्नेमा जाेड दिनुभयाे ।
`पार्टी व्यवस्थापन नै कांग्रेसकाे चुनाैती हाे । ग्रुपिजम न्यूनिकरण गर्दै जानुपर्छ,´ कांग्रेस पूर्वमहामन्त्रीसमेत रहनुभएका सिंहले भन्नुभयाे । पार्टीमा आफूले सँधै वरिष्ठतालाई मानेकाे भन्दै उहाँले १४ओै महाधिवेशनमा वरिष्ठताकै आधारमा आफूले सभापति दाबी गर्दा पूर्वमान्यताबाट केही नेता विचलित भएकाे बताउनुभयाे । आफ्नाे अनुकूल हुँदा वरिष्ठता भन्ने र प्रतिकूल हुँदा वरिष्ठता केही हाेइन भन्ने प्रवृत्ति १४ओै महाधिवेशनमा देखिएकाे भन्दै उहाँले आफ्नाे स्वभाव वरिष्ठतालाई सम्मान गर्ने र पार्टीमा सबैसँग मिलेर काम गर्ने रहेकाे प्रष्ट पार्नुभयाे । आउँदाे महाधिवेशनमा के गर्ने भन्दा पनि पार्टी संगठनलाई कसरी बलियाे बनाउनेतर्फ आफ्नाे ध्यान रहेकाे सिंहकाे भनाई थियाे ।
उपप्रधानमन्त्री सिंहले ७ बुँदे सहमतिकाे जगमा वर्तमान सरकार बनेकाे भन्दै राजनीतिक स्थिरता र आर्थिक समृद्धिकै लागि सरकारले काम गरिरहेकाे बताउनुभयाे । कार्यक्रममा माेरङ जिल्ला सभापति डिगबहादुर लिम्बू, केन्द्रीय सदस्य डिला संग्राैलालगायतका नेता, कार्यकर्ता सहभागी हुनुहुन्थ्याे ।
