वीरगंज – मधेश प्रदेशका भूमि व्यवस्था, कृषि तथा सहकारी मन्त्री जनार्दन सिंह क्षेत्रीले वरिष्ठ पत्रकार आशुतोष झालाई विशेष सम्मान प्रदान गर्नुभएको छ।
वीरगंजस्थित श्री गहवामाई मन्दिर, माइस्थान–६ मा आयोजित कार्यक्रममा माइस्थान संचालक समितिले पत्रकार झालाई धार्मिक तथा सामाजिक सेवामा पुर्याउनुभएको योगदानका लागि कदरपत्र प्रदान गरेको हो।
माइस्थान संचालक समितिले गहवामाई मन्दिरद्वारा आयोजित डोली यात्रा तथा वडा ब्रह्म कार्यक्रम सफल बनाउन झाको सक्रिय भूमिका रहेको भन्दै उच्च सम्मान प्रकट गरेको छ। पत्रकार झाको अमूल्य सहयोगप्रति कृतज्ञता व्यक्त गर्दै मन्त्री क्षेत्रीले उहाँलाई सम्मान पत्र हस्तान्तरण गर्नुभएको थियो।
समितिका अध्यक्ष नरेन्द्र कुमार शाह, उपाध्यक्ष विजय कुमार उपाध्याय, महासचिव सरद कुमार सर्राफ तथा संरक्षक माननीय रमेश रिजाललगायतका विशिष्ट व्यक्तिहरूको उपस्थिति रहेको उक्त कार्यक्रममा धार्मिक सेवामा समर्पित सम्पूर्ण व्यक्तिहरूको सम्माननीय योगदानको चर्चा गरिएको थियो।
समाजसेवा, पत्रकारिता र धार्मिक कार्यमा संलग्न वरिष्ठ पत्रकार झालाई यस सम्मानले अझ ठूलो जिम्मेवारी प्रदान गरेको भन्दै उपस्थित महानुभावहरूले उहाँको निरन्तर सफलता तथा उज्ज्वल भविष्यको कामना व्यक्त गरे।
पत्रकार झा चार दशक भन्दा बढ़ी समयदेखि निरन्तर पत्रकारितामा आवद्ध हुनुहुन्छ
