काठमाडौँ – राष्ट्रिय सभाअन्तर्गतको विधायन व्यवस्थापन समितिले जलस्रोत विधेयक, २०८१ लाई परिमार्जनसहित पारित भएको छ ।
उर्जा, जलस्रोत तथा सिंचाईमन्त्री दीपक खड्काको उपस्थितीमा आज सिंहदरबारमा बसेको समितिको बैठकले जलस्रोत विद्येयक, २०८१ सम्बन्धी मस्यौदा प्रतिवेदन परिमार्जनसहित पारित भएको हो ।
प्रतिनिधीसभामा उत्पत्ती भएको उक्त विद्येयक प्रतिनिधिसभा, पूर्वाधार विकास समितिमा गहन छलफल भएर २०८१ चैत ११ गते पारित भएसँगै राष्ट्रिय सभामा पुगेको थियो । राष्ट्रिय सभाअन्तर्गतको विद्यायन समितिको १४ वटा बैठकमा गहन छलफलपछि उक्त विद्येयक पारित भएको हो ।
जलस्रोतको दिगो विकास, उपयोग र संरक्षण एवम् व्यवस्थापन, लाभको न्यायोचित बाँडफाँड, मौसम तथा जलउत्पन्न विपद् न्यूनीकरण, बाँधको सुरक्षा र अन्तरपुस्ता समन्यायका आधारमा सुनिश्चित गर्न उक्त विधेयक ल्याइएको हो ।
बैठकमा ऊर्जामन्त्री खड्काले लामो छलफल र मेहनतपछि विधेयक पारित भएको भन्दै समितिका सभापतिसहित सबै सदस्यलाई धन्यवाद दिनुभयो । विधेयक जनताको सरोकारको विषय भएकाले समितिका सबै सदस्यको धारणालाई समेटेर सर्वसम्मत पारित भएकामा उहाँले खुसी व्यक्त गर्नुभयो ।
विस २०८१ असार १४ गते प्रतिनिधिसभामा प्रस्तुत भएको उक्त विधेयक प्रतिनिधिसभामा सामान्य छलफल गरी गत वर्ष असार २५ गते दफावार छलफलका लागि प्रतिनिधिसभाअन्तर्गतको पूर्वाधार विकास समितिमा पठाइएको थियो । पूर्वाधार विकास समितिमा नौ महिनाको छलफलपछि विधेयक पारित भई राष्ट्रिय सभामा पुगेको थियो ।
विद्यायन व्यवस्थापन समितिका सदस्यबाट प्राप्त संशोधन प्रस्ताव, सरोकार भएकाहरू, विज्ञबाट प्राप्त सुझावलाई समेत आधार मानेर विधेयकलाई परिमार्जनसहित पारित गरिएको समितिका सभापति तुलसा कुमारी दहालले जानकारी दिनुभयो । उक्त विद्येक साउन २३ गते बस्ने राष्ट्रिय सभाको बैठकमा पेश गरिने सभापति दहालले बताउनुभयो
