काठमाडौं- स्वास्थ्य तथा जनसंख्या मन्त्रालयले संक्रमित व्यवस्थापन कट्याक्ट ट्रेसिङ, जोखिम भत्ताका लागि १ अर्ब १४ करोड २९ लाख ६ हजार निकासा भएको जनाएको छ।
स्वास्थ्य मन्त्रालय प्रवक्ता डा जागेश्वर गौतमले आर्थिक वर्ष २०७७/७८ मा कोभिड-१९ संक्रमण रोकथाम, नियन्त्रण तथा उपचार व्यवस्थापनका लागि हालसम्म ६ अर्ब ८१ करोड ५९ लाख ६ हजार रुपैयाँ निकासा भएको जानकारी दिए।
उनले त्यसमध्ये प्रयोगशाला परिक्षणका लागि हालसम्म १ अर्ब १२ करोड ४० लाख र आयसियु, भेन्टिलेटर र औषधि सुदृढिकरणका लागि १ अर्व २९ करोड ९० लाख रुयैयाँ निकासा भएको बताए।
उक्त रकममा हाइ डेपेन्डेन्सी युनिटका लागि पठाइएको ३ अर्ब २५ करोड रुपैयाँ समेत समावेश भएको प्रवक्ता गौतमले बताए। हालसम्म खर्च भएको यो रकम स्वास्थ्य तथा जनसंख्या मन्त्रालय र माताहतका निकायको मात्र हो।
