काठमाडौं – नेपालले शैक्षिक इतिहासमा अर्को महत्वपूर्ण कीर्तिमान कायम गरेको छ। बाल विकास NCMAS प्रा. लि. ले आयोजना गरेको सबैभन्दा ठूलो हस्तलेखन प्रतियोगिता (Largest Handwriting Competition) ले ASEAN विश्व कीर्तिमान (ASEAN World Record) कायम गर्न सफल भएको छ।
काठमाडौंमा सम्पन्न प्रतियोगितामा १५० विद्यालयका ५,०५३ विद्यार्थीहरू सहभागी भएका थिए। यो संख्याले विश्वकै ठूलो हस्तलेखन प्रतियोगिता आयोजनाको कीर्तिमान तोड्दै नयाँ इतिहास रचेको छ।
बाल विकास एनसीएमएसका निर्देशक तेजु नेपालका अनुसार, प्रतियोगिताको उद्देश्य विद्यार्थीहरूमा सुन्दर हस्तलेखन, एकाग्रता तथा सिर्जनशीलताको विकास गर्नु थियो। यस उपलब्धिले नेपाललाई अन्तर्राष्ट्रिय शैक्षिक क्षेत्रमा समेत चिनाउन मद्दत पुगेको उनले बताए ।
कार्यक्रमको सफल आयोजनाका लागि सहभागी सम्पूर्ण विद्यालय, विद्यार्थी, शिक्षक तथा अभिभावकहरूलाई धन्यवाद दिँदै, बाल विकास NCMAS प्रा. लि. ले आगामी दिनमा पनि यस्ता प्रेरणादायी कार्यक्रमहरू गर्ने प्रतिबद्धता जनाएको छ।
