काठमाडौं – प्रमुख प्रतिपक्षी दल नेपाली कांग्रेसले विपद् व्यवस्थापनका लागि राज्यले अझै प्रभावकारी ढंगबाट राहत तथा पुनस्र्थापनाको काम गर्नुपर्ने आवश्यकता औल्याएको छ ।
कांग्रेसले आज विज्ञप्ति जारी गरेर विपद् व्यवस्थापनका लागि राज्यले अझै प्रभावकारी ढंगबाट राहत तथा पुनस्र्थापनाको काम गर्नुपर्ने आवश्यकता देखिएको भन्दै सरकारको ध्यानाकर्षण गराएको हो ।
प्रमुख सचेतक बालकृष्ण खाणद्वारा जारी विज्ञप्तिमा क्षतिग्रस्त स्थलको रिर्पोटका आधारमा विपद् व्यवस्थापनका लागि राज्यले अझै प्रभावकारी ढंगले राहत एवं पुनस्र्थापना कार्य गर्न आवश्यक देखिएको उल्लेख छ । कांग्रेसले बाढी, पहिरो र जल डुवान क्षेत्रमा विभिन्न रोग महामारीका रुपमा फैलिने सम्भावनालाई नियन्त्रण गर्न र थप मानवीय क्षति हुन नदिन सरकारलाई सशक्त र गतिशिल रुपमा कार्य गर्न आग्रहसमेत गरेको छ ।
