डम्बर निदाल
डडेल्धुरा – डडेल्धुराको अमरगढीमा एक ब्यक्तिको बेवारिसे सव फेला परेको छ ।
जिल्लाको अमरगढी नगरपालिका –१० सिमरोडा खोला स्थित पानी जमेको खाल्टोमा एक व्यक्तिको सव फेला परेको जिल्ला प्रहरी कार्यालय डडेल्धुराले जनाएको छ ।
नामथर,ठेगाना खुल्न नआएको अन्दाजी ६०÷६२ वर्षीय पुरुषको सव आज बिहान आठ बजे तिर फेला परेको प्रहरीले जानकारी दिएको छ ।
शव फेला परेपछि घटनास्थलमा प्रारम्भिक अनुसन्धानको कार्य सम्पन्न गरी निजको शव डडेल्धुरा अस्पतालको लाश घरमा राखिएको छ ।
प्रहरीका अनुसार उचाई अन्दाजी ५ फिट ४ ईन्च, कपालको रङ कालो सेतो, नग्न अवस्थामा रहेको मृतक सव नजिक कालो घिउ रंगको र भित्री पट्टी रातो रङ्ग भएको जकेट, रातो रंगको सुरुवाल र कालो कट्टु रहेको हुलिया भएको मृतक शव चिन्नुहुने महानुभावहरुले निजको आफन्तलाई जानकारी गराई दिन हुने समेत प्रहरीले अनुरोध गरेको छ ।
