डम्बर निदाल
डडेल्धुरा- डडेल्धुरा अस्पताल विकास समिति अध्यक्ष कोरोना मुक्त भएका छन् । डडेल्धुरा अस्पताल विकास समितिका अध्यक्ष करुणाकर ओझा कोरोना संक्रमणबाट मुक्त भएका हुन ।
डडेल्धुरा अस्पतालको प्रयोगशालामा गरिएको परीक्षणमा उनको पछिल्लो कोरोना रिपोर्ट नेगेटिभ आएको हो ।
उनमा कार्तिक ६ गते कोरोना संक्रमण देखिएको थियो । कोरोना संक्रमण पुष्टि भएसंगै होम आईसोलेसनमा बस्दै आएका थिए । उनले १४ दिनमा बुधबार कोरोना जितेका हुन् । संक्रमण पुष्टि भएपछि ओझा होम आइसोलेसनमा बसिरहेका थिए ।
आत्म मनोबल उच्च बनाएर सुरक्षित बस्दा कोरोनालाई पराजित गर्न सकिने करिब १४ दिन होम आईसोलेसनमा बस्नु भएका डडेल्धुरा अस्पताल विकास समिति अध्यक्ष करुणाकर ओझाले बताए ।
शुरुवातमा सामान्य लक्षण देखिए पनि उच्च आत्मविश्वासका साथ कोरोनालाई हराउन सकेको उनको भनाइ छ । कोरोना संक्रमितलाई आफ्नो मनोबल उच्च राख्नुपर्ने,हिम्मत नहार्न आत्मबिश्वास बलियो बनाउनका साथै इम्युनिटी पावर बढाउने खानेकुराहरू खानुपर्ने आग्रह गर्दै सुझाव दिएकाछन् । हिम्मत नहारे कोरोनालाई पराजित गर्न सकिने उनले बताए ।
