डम्बर निदाल
डडेल्धुरा – डडेल्धुरा जिल्लाको एक गाउँपालिकाले किसानका माग संकलन गर्ने भएको छ । जिल्लाको गन्यापधुरा गाउँपालिकाले व्यवसायिक पशुपालन तथा कृषि गरि रहेका किसान बाट माग संकलन गर्ने भएको हो । गाउँपालिकाले कृषि तर्फ आलु, तरकारी, मसला बाली, अमिलो जातका फलफुरु तथा पशुपालन तर्फ गाई, भैंसी, बाख्रा, बंगुर पालनका लागी आवश्यकताका आधारमा माग संकलन गर्ने जनाएको छ ।
कृषि शाखाले शनिबार आयोजना गरेको पकेट विकास कार्यक्रम बाली तथा पकेट क्षेत्र समबन्धि छलफलमा आगामी आर्थिक बर्ष २०७८र२०७९ का लागी किसानहरुका माग संकलन गर्ने निर्णय गरेको छ । गन्यापधुरा गाउँपालिका–४ कैलपालमाण्डौमा आयोजना गरिएको कार्यक्रमले व्यवसायिक रुपमा कृषि, पशुपालन गरिरहेका किसान लाई सहयोग गर्न माग संकलन गरि योजना बनाउने निर्णय भएको कृषि शाखा प्रमुख करन सिंह बुढाऐरले बताए ।
कार्यक्रममा बोल्दै गाउँपालिका अध्यक्ष नबल बहादुर मल्लले कृषि र पशुपालन तर्फ सबै भन्दा बढी बजेट रहेको बताए । किसान लाई अनुदान वितरण गर्दा कृषि प्राबिधिक र जनप्रतिनिधीहरुको रहोवरमा गरिने उनले बताए ।
गन्यापधुरा गाउँपालिकामा सामुहिक एवं एकल रुपमा फर्म दर्ता गरी ठुलो क्षेत्रफलमा तरकारी खेती र पशुपालन गर्न थालिएकाले यसले उत्पादन बृद्धिका साथै स्थानियका आमदानिका स्रोत बढाउने र व्यवसायिक खेतीपातिले बेरोजगारी कम हुने वडा अध्यक्ष चेतराज भट्टले बताए ।
