डम्बर निदाल
डडेल्धुरा – डडेल्धुरामा बाघको आक्रमणबाट एक बालकको मृत्यु भएको छ । जिल्लाको भागेश्वर गाउँपालिका–१ रुपालमा बाघले आक्रमण गर्दा बालकको ज्यान गएको हो । आइतबार साँझ जिल्लाको भागेश्वर गाउँपालिका— १ रुपालमा बाघको आक्रमणबाट एक बालकको मृत्यु भएको हो ।
मृत्यु हुनेमा स्थानिय कृष्ण सिंह साउदका अन्दाजी १२÷१३ वर्षीय छोरा दिल बहादुर साउद रहेको जिल्ला प्रहरी कार्यालय डडेल्धुराले जनाएको छ । स्थानिय बयलबडा बजारबाट आफ्नो घरबाट अन्दाजी आधा घण्टा टाढा आफनै काकाको घर आगँनमा खेली रहेका बेला अचानक बालकलाई बाघले आक्रमण गरेको प्रहरीले जानकारी दिए । बाघको आक्रमण बाट बालकको घटनास्थलमै ज्यान गएको प्रहरीले जनाएको छ ।
प्रहरी कार्यालय डडेल्धुरा वाट प्रहरी निरीक्षक राजेन्द्र बहादुर चन्दको कमाण्डमा खटि गएको प्रहरी टोलीले घटनास्थलको कार्य पुरागरी मृतकको शव पोष्टमार्टमका लागी डडेल्धुरा अस्पताल ल्याईदै गरेको जिल्ला प्रहरी कार्यालय डडेल्धुराले जनाएको छ ।
