काठमाडौँ – काठमाडौँ लगायत देशका विभिन्न स्थानमा वायु प्रदूषणको मात्रा बढेको छ । यसै कारणले सरकारले घर भित्र बस्न आग्रह गरेको छ । तर घरभित्रको हावा प्रदूषण रहित हुने कुरामा हामी बिस्वस्त हुन सक्दैनौँ । आफ्नो घरभित्रको हावालाई स्वच्छ राख्न विभिन्न बोटविरुवाहरु रोप्न सकिन्छ । कस्ता बोटविरुवाहरुले प्रदुषण नियन्त्रण गर्न मद्दत गर्छ ?
१) तुलसी
तुलसीको विरुवाले रातदिन अक्सिजन फ्याक्ने हुनाले यसले प्रदुषणलाई नियन्त्रण गर्छ र ब्याक्टेरियाहरुको विनाश गर्न मद्दत गर्छ । यसले नकारात्मक ऊर्जालाई नाश गर्ने विश्वास गरिन्छ । यो रुघाखोकी र ज्वोरोलाई कम गर्न समेत प्रभावकारी हुन्छ । साथै छाला सम्बन्धी रोगहरुलाई पनि यसले निको पार्न सक्छ र मुख गनाउने समस्याबाट समेत राहत दिलाउँछ ।
२) घिउकुमारी
एलोभेराले हावा स्वच्छ राख्नुका साथै यसमा धेरै मात्रामा भिटामिन्स, मिनिरल्स, एमिनो एसिड र फाइबर्सहरु पनि पर्याप्त मात्रामा हुन्छन् । पोलेको, काटेको घाउमा यसको प्रयोग गर्दा राहत पाउन सकिन्छ । यससँगै यसले कपाल र छालालाई पनि फाइदा गराउँछ । यसको जुस पेटका लागि अत्यन्तै फाइदाजनक हुन्छ ।
३) सयपत्री
हावालाई प्रदुषणमुक्त गराउनुका साथै यस फूलका पातहरुमा पर्याप्त मात्रामा एन्टिबायोटिकको गुण हुने भएकाले सयपत्रीको विरुवाले लामखुट्टेलाई टाढा राख्न समेत मद्दत गर्छ । छालासम्बन्धी रोग र चोटपटक लागेका बेलामा यसको फूलको रसले धेरै सहज गराउन सक्छ । यसका पातहरुलाई पानीमा उमालेर कुल्ला गर्नाले दाँतको दुखाइ कम हुन्छ ।
४) चमेली
हावामा भएका टक्सिनहरुलाई हटाउन चमेलीको विरुवाले मद्दत गर्छ र यसको फूलको बास्नाले घरमा ताजापनको महसुस गराउँछ । मुखमा घाउ आएमा र पेटमा किरा परेमा यसको पातहरु चबाउँदा राहत मिल्छ । टाउको दुखेमा चमेलीको फुलको लेप लगायो भने प्रभावकारी हुन सक्छ ।
५) अनार
अनारको बिरुवाले प्रदुषण कम गराउँछ । यसमा भिटमिन ए, सी र ईका साथै फोलिक एसिड र एन्टिब्याक्टेरियल र एन्टि भायरल तत्वहरु प्रशस्त मात्रामा हुने हुनाले यसलाई विभिन्न रोगमा उपयोग गर्न सकिन्छ र यसका थुप्रै फाइदाहरु छन् । यसको रसमा एन्टिएजिङ र एन्टिअक्सिडेन्ट तत्वहरु पनि हुन्छन् जसले रगत बढाउन मद्दत गर्छ । यसले छालालाई विभिन्न समस्याहरुबाट टाढा राख्दै रगत सफा राख्दछ ।
६) ल्याभेन्डर
ल्याभेन्डरले घरभित्रको हावालाई स्वच्छ राख्ने र वरिपरिको ब्याक्टेरिया र किराहरुलाई मार्ने काम गर्छ । यसलाई घरमा राख्दा लामखुट्टेहरु समेत टाढा रहन्छन् । यसको फूलको रसले छालाको समस्यामा राहत दिलाउँछ र टाउकोको दुखाई एवम् माइग्रेनको समस्यामा पनि राहत दिलाउँछ । अनिद्राको समस्याबाट पनि छुटकारा पाउन पनि ल्याभेन्डर प्रभावकारी हुन्छ ।
