- महेश सिंह
सिरहा – सिरहाको बिष्णुपुर गाउँपालिकाबाट सिक्सर( रिभल्वर )सहित एक जना युवालाई पक्राउ गरेका छन् । पक्राउ पर्नेमा सिरहाको बिष्णुपुर गाउँपालिका .-४ थलाहाकट्टा बस्ने रामपृत यादबको ३० वर्षीय छोरा कृष्ण यादबलाई प्रहरीले पक्राउ गरेको हो ।
पक्राउ परेको यादव घरयासी बिवादको कारण आफ्नो घरमा गई आमालाई कुटपिट गरी घरको सामान समेत फाली दिएको भन्ने खबर प्राप्त हुना साथ प्रहरी टोली घटनास्थलमा पुग्दा लोड नभएको एक सिक्सर (रिभल्वर )फेला परेको जिल्ला प्रहरी कार्यालय सिरहाले जनाएको छ ।
प्रहरीलाई हेर्दा कृष्ण फरार भएका थिए । प्रहरीले खोज तलास गर्दै जादा हाल बसोबास गरी रहेको घर बिष्णुपुर गा.पा.-५ लक्ष्मीपुरबाट यादवलाई पक्राउ गरेको हो । पक्राउ गरेका यादवलाई आवश्यक कार्वाहीको लागि जिल्ला प्रहरी कार्यालय सिरहामा राखी थप अनुसन्धान भईरहेको जिल्ला प्रहरी कार्यलय सिरहाका प्रबक्ता तथा डि एस पी अपिल राज बोहराले बताए ।
