प्रधानमन्त्री शेरबहादुर देउवालाई विश्वासको मत दिने नेकपा एमालेका वरिष्ठ नेता माधव नेपाल समुहका २२ जना सांसद विरुद्ध युवा संघ नेपालका कार्यकर्ताले बाँदरको भेषमा विरोध प्रर्दशन गरेका छन् ।
पार्टीको ह्रिप उल्लंघन गर्दै नेपाल सहित २२ जना एमालेका सांसदहरुले देउवालाई विश्वासको मत दिएका थिए । यसको विरोधमा हिजो मात्र नेपालको पुत्ला बनाएर शंख फुक्दै जलाइएको थियो ।
यसै गरी, आज बाँदर जस्तो मुकुण्डो लगाएर काठमाडौंको नयाँ बानेश्वरमा युवा संघ नेपालका कार्यकर्ताले विरोध प्रदर्शन गरेका हुन् ।
नेकपा एमालेका वरिष्ठ नेता माधवकुमार नेपालसहितका २२ सांसदले फ्लोर क्रस गरेको विरोधमा युवा संघका कार्यकर्ताले प्रदर्शन गरेका हुन् ।यसअघि प्रधानमन्त्री शेरबहादुर देउवाले विश्वासको मत लिँदा नेकपा एमालेका २२ सांसदले फ्लोर क्रस गरी मत दिएको विरोधमा युवा संघले लगातार प्रदर्शन गर्दै आएको छ ।
