काठमाडौं – नेपाली कांग्रेसका नेता गगन थापाले सरकारको कामबाट उत्साही हुनुपर्ने अवस्था नरहेको बताएका छन् ।
नेता थापाले अर्थमन्त्री डा. युवराज खतिवडाका कारण प्रधानमन्त्री केपी शर्मा ओलीले आफ्नो कामलाई गति दिन नसकेको दावी पनि गरे । बुधबार काठमाडौंमा आयोजित एक कार्यक्रममा उनले नेपालको इतिहासमै बलियो सरकार बने पनि त्यसले बैज्ञानिक ढंगले काम गर्न नसकेको बताए ।
थापाले अर्थमन्त्री खतिवडाले अर्थमन्त्रीको जस्तो नभई नेपाल राष्ट्र बैंकको गभर्नरको रुपमा प्रस्तुत भएकाले मुलुकको आर्थिक विकासको गति सहज ढंगले अघि बढ्न नसकेको जिकिर गरे ।
